အိန္ဒိယရုပ်ရှင်ချစ်သူတို့ အပျင်းတော်ပြေစေရာပန်ချာပီကျေးလက်ဟာသရုပ်ရှင်လေးကိုတင်ဆက်ပေးလိုက်ပါတယ်။အသက်သုံးဆယ့်ခုနစ်နှစ်အရွယ် လူပျိုကြီး ပါပီတစ်ယောက် မိန်းမလိုချင်တာ ပြာတာရမ်းလို့နေပါတယ်။ပါပီရဲ့ အဖေနဲ့အမေဖြစ်သူက ကိစ္စတစ်ခုကလွဲရင် ဘယ်ကိစ္စမှာမှသဘောထားမတိုက်ဆိုင် အတူတူလုပ်ကြတာမျိုးမရှိပါဘူး။အဲဒါကတော့ ပါပီတစ်ယောက် အိမ်ထောင်ကျဖို့အရေးပါပဲ။အောင်သွယ်တော်ကြီး လာလာစပ်တဲ့ သတို့သမီးလောင်းတွေကိုကျလည်းသွားခေါသလေးအသားမဲသလေးအရပ်ပုသလေးပြောလွှတ်တဲ့အတွက် အောင်သွယ်တော်ကြီးဒေါခီးပြီး ပါပီကို အဘိုးကြီးလို့သမုတ်ရာကစ ပါပီက အောင်သွယ်တော်ကြီးကို လိုက်ရိုက်ပါတော့တယ်။ဒီမှာပဲ အငြိုးကြီးတဲ့ အောင်သွယ်တော်ကြီးက ပါပီကို သင်ခန်းစာပေးဖို့ငြိုးထားပါတယ်။ပါပီတစ်ယောက် စိတ်ပြန်ငြိမ်သွားတဲ့အချိန် အောင်သွယ်တော်ကြီးကို ပြန်ခေါ်ဖို့မိဘတွေကဖြောင့်ဖြတဲ့အခါမှာတော့ မောင်ပါပီတစ်ယောက် လက်ခံမိလိုက်ရာကစ ဒုက္ခအကြီးအကျယ်ရောက်ရပါတော့တယ်။