အလုပ်အကိုင်အခွင့်အရေးတွေပေါများလှတဲ့ အိမ်မက်မြို့တော်မွန်ဘိုင်းရဲ့ ရထားဘူတာမှာ ကောင်မလေးတွေဆက်တိုက်သတ်ခံနေရတာ ခြောက်ခြားစရာပါပဲ။ မိန်းကလေးခြေထောက်လှလှလေးတွေကိုမှ ရူးရူးမူးမူးစွဲလမ်းနေတဲ့ ကွင်းဆက်လူသတ်သမားက မွန်ဘိုင်းရထားဘူတာရဲ့ လူပြတ်တဲ့နေရာမှာ အကွက်ချစီစဉ်ပြီး စိတ်ကြိုက်သတ်နေခဲ့ပါတယ်။ အလောင်းတွေကိုလည်း ခြေထောက်တွေဖြတ်ထားပြီး ခရီးဆောင်အိတ်ထဲထည့်ကာ ပြန်လာပစ်လေ့ရှိပါတယ်။ဒီကွင်းဆက်ဆိုက်ကိုလူသတ်သမားကြောင့် မလုံခြုံတော့တဲ့ မြို့တော်ကြီးမှာ CBI စုံထောက်ကြီးဗီဝမ်နဲ့ သူ့အပေါင်းအဖော်တွေ ဘယ်လိုစုံစမ်းဖော်ထုတ်မလဲဆိုတာတော့ ရင်တမမနဲ့ ကြည့်ရှုခံစားရမှာပါ။ Crime Thriller ကြိုက်နှစ်သက်တဲ့ ပရိတ်သတ်များအတွက်လက်လွတ်မခံသင့်တဲ့ ဇာတ်ကားကောင်းလေးအဖြစ်ညွှန်းဆိုလိုက်ပါရစေ။