အိန္ဒိယရဲ့ နာမည်ကျော်တင်ဆက်သူမင်းသား ရာဟူးလ်ခန်နာနဲ့ 3 Idiots ထဲက ရာဂျူးအဖြစ်သရုပ်ဆောင်ခဲ့တဲ့မင်းသား ရှာမန်ဂျိုရှီတို့ရဲ့ ၂၀၀၇ ခုနှစ်ထွက် ဟင်ဒီစကားပြော ရိုမန်းတစ် သည်းထိတ်ရင်ဖိုရုပ်ရှင်လေးကို ပြန်လည်တင်ဆက်ပေးချင်ပါတယ်။ရေမိုနဲ့ ဆစ်ဒ်ဟက်တို့ဟာ အလုပ်ရှင်နဲ့အလုပ်သမားဖြစ်သလို သိပ်ရင်းနှီးကြတဲ့သူငယ်ချင်းတွေဖြစ်ပါတယ်။ရေမိုက သူဌေးဖြစ်ပြီး ဆစ်ဒ်ဟက်က ရေမို့ရဲ့ အတွင်းရေးမှူးပေါ့။သူတို့ဟာ သူငယ်ချင်းတွေဖြစ်ကြပေမဲ့ စရိုက်မတူကြပါဘူး။ဆစ်ဒ်ဟက်ဟာ ကောင်မလေးတွေနဲ့ပွေရှုပ်တတ်ပေမဲ့ ရေမိုကတော့ငယ်ဘဝရဲ့စိတ်ဒဏ်ရာတွေကြောင့် မိန်းကလေးတွေနဲ့ ခပ်ကင်းကင်းနေသူဖြစ်ပါတယ်။ဒါပေမဲ့ တစ်နေ့မှာတော့ ဆစ်ဒ်ဟက်ရဲ့လှော်ပေးမှုကြောင့် ရေမို့ဘဝထဲကို ဆိုဖီဆိုတဲ့ကောင်မလေးတစ်ယောက် ဝင်လာပြီး ဇာတ်လမ်းတွေဖြစ်လာချိန်မှာတော့…။ဆိုဖီက ရိုးရိုးသားသားရောက်လာတာလား၊ သူငယ်ချင်းနှစ်ယောက်ဘာဆက်ဖြစ်မလဲ၊သုံးပွင့်ဆိုင်ဇာတ်လမ်းတွေဖြစ်လာမှာလားဆိုတာ ဒီရုပ်ရှင်ထဲမှာ မြင်တွေ့ကြရမှာပါ…။