ချန်ဆိုတဲ့ ကောင်လေးဟာ ဂိမ်းကိုမနားတမ်းဆော့နေလို့ ဖခင်ဖြစ်သူက အမြင်မကြည်ဖြစ်ကာ အမျိုးသမီးဖြစ်သူနဲ့ တိုင်ပင်ပြီး အဘွားရှိရာ တောနယ်လေးတစ်ခုကို ချန်ရဲ့အစ်မဖြစ်သူနဲ့အတူ ပို့လိုက်ပါတယ်။ လစ်ရင် ဂိမ်းဆော့ဖို့ပဲချောင်းနေတဲ့ ချန်ဟာ တောင်ပေါ်က ပန်ဒါလေးနဲ့တွေ့ပြီး သူငယ်ချင်းသစ်ရသွားပါတော့တယ်။ ပန်ဒါမျိုးစိတ်တွေဟာ အထူးကြပ်မတ်စောင့်ရှောက် ထိန်းသိမ်းရတာမို့ ပန်ဒါလေးကို ဆိုင်ရာကိုအကြောင်းမကြားဘဲတောတွင်းမှာပဲ ပန်ဒါလေးကို ကျွေးမွေးဂရုစိုက်ကာ သူငယ်ချင်းဖွဲ့လို့နေခဲ့ပါတယ်။ ဒါပေမဲ့ အဲဒီတောဟာ ပန်ဒါလေးအတွက်အစာရေစာ တဖြည်းဖြည်း နည်းပါးလာလို့ စားကျက်အသစ်ကို ပြောင်းရတော့မယ့်အခါ ချန်တစ်ယောက် ဘယ်လိုရင်ဆိုင် ဖြေရှင်းမလဲဆိုတာ ကြည့်ရှုရမယ့်ဇာတ်ကားလေးပါ။ ချန်နဲ့ ပန်ဒါလေးတို့ရဲ့ ဇာတ်လမ်းတင်မဟုတ်ဘဲသားသမီးနဲ့ မိဘတို့ရဲ့ကြားက ချစ်ခြင်းမေတ္တာတွေကိုလည်း အကောင်းဆုံးမီးမောင်းထိုးဖော်ပြသွားတဲ့ ရိုးရှင်းလျက်လှပသော ဇာတ်လမ်းလေးဖြစ်ပါကြောင်း တင်ဆက်ရင်း….