နည်းပညာတွေတစ်ဟုန်ထိုးတိုးတက်လာခဲ့ပြီး အချိန်အတော်အတန်ကြာပြီးနောက်ပိုင်း ကမ္ဘာကြီးဟာ ကပ်ဘေးတစ်ခုကြောင့် ပျက်စီးသွားပြီးနောက်ပိုင်းမှယူကရိန်းအာကာသယာဉ်မောင်းတဲ့သူတစ်ယောက်ဟာ စကြဝဠာထဲမှာ တစ်ယောက်တည်းကျန်ခဲ့တဲ့ နောက်ဆုံးကမ္ဘာသားတစ်ယောက်ဖြစ်လာခဲ့ပါတယ်။စက်ပစ္စည်းတွေကြားထဲ အမြဲတမ်းအချိန်အကြာကြီးနေခဲ့ရပေမယ့်လည်း တကယ်တမ်း လူတွေနဲ့ ပြန်တွေ့ဖို့အကြောင်းမရှိတော့တဲ့အချိန်မှာ ယာဉ်မှူးအန်ဒရေဟာ ရူးသလိုဖြစ်လာခဲ့ပါတယ်။ဒီလိုနဲ့ တစ်ယောက်တည်းဖြစ်နေတဲ့နောက်မှာ အာကာသထဲကျန်တဲ့သူများရှိနေဦးမလားဆိုပြီး အသံထုတ်လွင့်မှုတွေမကြာခဏလုပ်ခဲ့ပါတယ်။ ဒါပေမဲ့ ထူးဆန်းစွာနဲ့ဘဲ တစ်နေ့မှာ ကတ်သရင်းဆိုတဲ့အမျိုးသမီးဟာ သူ့ရဲ့အသံထုတ်လွင့်မှုကိုအကြောင်းပြန်လာခဲ့ပါတယ်။ ဒီလိုနဲ့ အသည်းအသန်ဖြစ်နေတဲ့အန်ဒရေဟာ ဘယ်သူပဲဖြစ်ဖြစ် လူဖြစ်ရင်ပြီးရောဆိုတဲ့ တွေ့ချင်ဇောနဲ့ ကတ်သရင်းရှိရာကို အလျင်စလိုသွားပါတော့တယ်။