မန်နန်ဂယ်ဆိုတာ ဖိလစ်ပိုင်ရိုးရာပုံပြင်တွေထဲက ဒဏ္ဍာရီသတ္တဝါတစ်ကောင်ဖြစ်ပြီး ထိုင်းနဲ့ကမ္ဘာဒီးယားဘက်မှာ ခေတ်စားတဲ့ ကရာဆူးသရဲနဲ့ဆင်တူပါတယ်။သူက ညဘက်တွေမှာ ခန္ဓာကိုယ်အောက်ပိုင်းကိုဖြတ်တောက်ချန်ထားခဲ့ပြီး လင်းနို့လိုအတောင်ပံတွေနဲ့ပျံသန်းပြီးသားကောင်ကိုရှာဖွေလေ့ရှိပါတယ်။ ဖိလစ်ပိုင်ရဲ့ပထမဆုံး သဲထိတ်ရင်ဖိုရုပ်ရှင်ဟာ မန်နန်ဂယ်အကြောင်းဖြစ်ပြီး အကြောင်းအမျိုးမျိုးကြောင့်ဒီနေ့ဒီအချိန်ထိ ပြီးအောင်တည်းဖြတ်နိုင်ခဲ့ခြင်းမရှိပါဘူး။ဒီဇာတ်ကားမှာတော့ အဲ့ဒီရုပ်ရှင်ကားရဲ့အမွေခံတွေဖြစ်တဲ့ အယ်ဒီတာ ဆိုင်ရဲလ်နဲ့သမီးဖြစ်သူတို့ Posthouse မှာအလုပ်ကိစ္စအတွက် တစ်ညတာနေရဖို့ရှိလာချိန်မှာ သွားလေသူ သူတို့ရဲ့ဖခင်/အဘိုးဖြစ်သူဆီက အဲ့ဒီဇာတ်ကားမူကြမ်းဖလင်တွေကိုလက်ခံရရှိရာကနေအစပျိုးထားပါတယ်။တစ်စ တစ်စ အချိန်တွေကြာလာလေ အဲ့ဒီရုပ်ရှင်ရဲ့နောက်ခံအဖြစ်အပျက်တွေဟာ ပိုမိုပြတ်သားထင်ရှားလာလေဖြစ်ပြီး၊ ဇာတ်လမ်းထဲက မန်နန်ဂယ်တစ်ယောက် အပြင်လောက ကိုရောက်လာပြီးတွေ့သမျှလူတွေကိုပစ်မှတ်ထားတိုက်ခိုက်ပါတော့တယ်။