ဒီဇာတ်ကားလေးကတော့ ၂၀၂၅ မှာ ထွက်ရှိခဲ့တဲ့ အက်ရှင်ဇာတ်ကားလေးပဲဖြစ်ပါတယ်။ လီဗိုင်ဟာ တကယ်အရည်အချင်းရှိတဲ့ စုံထောက်ရဲအရာရှိတစ်ယောက်ဖြစ်ပြီး သူဟာ အမှုတစ်ခုမှာ မှားယွင်းစွပ်စွဲခံရတာကြောင့် မြို့ထဲကနေ တိမ်းရှောင်းပြီး ဆိပ်ကမ်းကသင်္ဘောငယ်တစ်စီးပေါ်မှာ ခြေရာဖျောက်နေရပါတယ်။ ဒီအချိန်မှာ သူ့ရဲ့ ကျောင်းတုန်းက သူငယ်ချင်းကောင်မလေး မရစ်ဆာဟာ သူ့ညီမလေး ဆူဇီ က စာမလာ သတင်းမကြားပဲခြေရာဖျောက်ကောင်းနေလို့ အသက်မှရှိသေးပါ့မလားလို့ စိတ်ပူပြီး လီဗိုင်ကို လိုက်ရှာပေးဖို့ အကူအညီတောင်းပါတော့တယ်။ လီဗိုင်က အစကတော့ ငြင်းပေမဲ့ မရစ်ဆာကို သံယောဇဉ်ရှိတာကြောင့် သူ့ညီမလေးကို လိုက်ရှာပေးဖို့ သဘောတူလိုက်ပါတော့တယ်။ ဒီလိုနဲ့ သူက မြို့ထဲပြန်လာခဲ့ပြီး ဆူဇီကို စရှာတဲ့အခါသတင်းရသွားတဲ့ လူဆိုးတွေက လီဗိုင်ကို လိုက်ရှာဖမ်းပါတော့တယ်။ ဒီတော့ လီဗိုင်တစ်ယောက် ဘာများလုပ်ခဲ့မိတာလဲ? ဆူဇီဆိုတဲ့ကောင်မလေးကရော ဘယ်ရောက်လို့ ဘယ်ပေါက်နေလဲ? ဘယ်လိုများ ပတ်သက်လာမလဲဆိုတာကို စိတ်ဝင်စားဖွယ်ရာ ကြည့်ရှုရမှာဖြစ်ပါတယ်။