ဒီဇာတ်ကားလေးကတော့ အိန္ဒိယနိုင်ငံ မာလာဘာ (Malabar) ဒေသရဲ့ ဝေးလံခေါင်ဖျားတဲ့ တောင်တန်းတွေကြားက "Hastikula" လို့ခေါ်တဲ့ ရွာငယ်လေးမှာ အခြေတည်ထားပါတယ်။ ဒီရွာမှာ နေထိုင်ကြတဲ့ မျိုးနွယ်စုတွေဟာ သူတို့ရဲ့ ရိုးရာနတ်ဘုရားနဲ့ ဝိညာဉ်ရေးရာ ယုံကြည်မှုတွေကို အသက်ထက်မက တန်ဖိုးထားကြသူတွေပါ။ဇာတ်လမ်းရဲ့ အချိုးအကွေ့ကတော့ မျိုးနွယ်စုဝင် လူငယ်တစ်ယောက်ရဲ့ မရည်ရွယ်ဘဲ ကျူးလွန်မိတဲ့ "သစ္စာဖောက်မှု" တစ်ခုကနေ စတင်ပါတယ်။ အဲဒီအမှားလေးတစ်ခုဟာ သူတို့မြတ်နိုးတဲ့ Theyyam (ဝိညာဉ်ကပွဲ) ရိုးရာကို ဘယ်လိုရိုက်ခတ်သွားမလဲ။ မျိုးနွယ်စုတစ်ခုလုံးရဲ့ ကံကြမ္မာ ဘယ်လိုပြောင်းလဲသွားမလဲ ဆိုတာကို ကြည့်ရှုခံစားရမှာပါ။