Operation Pope FHD

Operation Pope

Action History Thriller FHD 2025-09-26 5.9 116 Min

၂၀၂၅ ခုနှစ်မှာ ထွက်ရှိလာတဲ့ ပိုလန်စပိုင်အက်ရှင်ရုပ်ရှင် "Zamach na papieża" (အင်္ဂလိပ်လို Operation Pope) က ၁၉၈၁ ခုနှစ်မှာ တကယ်ဖြစ်ပျက်ခဲ့တဲ့ ပုပ်ရဟန်းမင်းကြီး ဂျွန်ပေါလ် (ဒုတိယ) ကို လုပ်ကြံဖို့ ကြိုးစားခဲ့တဲ့ သမိုင်းဝင်ဖြစ်ရပ်ကို အခြေခံပြီး ရိုက်ကူးထားတာပါ။ဇာတ်လမ်းက ၁၉၈၁ ခုနှစ် အေးစက်စက်နိုင်လှတဲ့ စစ်အေးတိုက်ပွဲကာလကို နောက်ခံထားပါတယ်။ ဆိုဗီယက်ယူနီယံ (Kremlin) က ပုပ်ရဟန်းမင်းကြီး ဂျွန်ပေါလ် (ဒုတိယ) ကို လုပ်ကြံဖို့ အမိန့်ပေးလိုက်တဲ့အခါမှာ ဇာတ်လမ်းက စတာပဲ။ဒီစစ်ဆင်ရေးမှာ Konstanty "Bruno" Brusicki ဆိုတဲ့ ပိုလန်စနိုက်ပါဟောင်းနဲ့ ထောက်လှမ်းရေးလောကရဲ့ ဝါရင့်ကြီးတစ်ယောက်က အဓိကဇာတ်ဆောင်ပါ။ သူဟာ ဒီလုပ်ကြံမှုကြီးမှာ အတင်းအကျပ် ပါဝင်ခိုင်းစေခြင်း ခံရပါတယ်။ သူက ပုပ်ရဟန်းမင်းကြီးကို တိုက်ရိုက်ပစ်ရမှာ မဟုတ်ဘဲ၊ လုပ်ကြံသူ Ali Agca ရဲ့ နောက်ကြောင်းတွေကို ဖျောက်ဖျက်ပေးဖို့နဲ့ အဲ့ဒီလုပ်ကြံသူကိုပါ ပြန်ပြီး ရှင်းလင်းပစ်ဖို့ တာဝန်ပေးခံရတာပါ။ Bruno ဟာ ကျန်းမာရေးလည်း သိပ်မကောင်းတော့သလို၊ ဂျာမနီမှာရှိနေတဲ့ သူ့ရဲ့ ကိုယ်ဝန်ဆောင်သမီးလေးနဲ့ပြန်တွေ့ချင်တာကြောင့် ဒီအန္တရာယ်များတဲ့ မစ်ရှင်ကို လက်ခံခဲ့ရတာ ဖြစ်ပါတယ်။ရုပ်ရှင်က သမိုင်းဖြစ်ရပ်မှန်ကိုပဲ တောက်လျှောက်ပြနေတာမျိုးမဟုတ်ဘဲ၊ ထောက်လှမ်းရေးတွေကြားက အကွက်ချစီစဉ်မှုတွေ၊ သစ္စာဖောက်မှုတွေနဲ့ Bruno ရဲ့ စိတ်ပိုင်းဆိုင်ရာ တိုက်ပွဲတွေကို စိတ်လှုပ်ရှားဖွယ် ရိုက်ပြထားပါတယ်။ဒီကားက "သမိုင်းမှာ တကယ်ပဲ ဘာတွေဖြစ်ခဲ့တာလဲ?" ဆိုတဲ့ မေးခွန်းတွေကို ပရိသတ်တွေ ပြန်တွေးမိအောင် လှုံ့ဆော်ပေးတဲ့အပြင်၊ တစ်ကိုယ်ကောင်းဆန်တဲ့ နိုင်ငံရေးကစားပွဲတွေကြားမှာ ကြားညပ်နေတဲ့ လူတစ်ယောက်ရဲ့ ဘဝကို ပီပီပြင်ပြင် ရိုက်ပြထားတဲ့ Hard-boiled thriller ကားကောင်းတစ်ကားလို့ ပြောလို့ရပါတယ်။