ဒီဇာတ်လမ်းလေးကိုတော့ တိတ်ဆိတ်အေးချမ်းတဲ့ အီမာဆန်မြို့လေးမှာ ဇာတ်အိမ်တည်ထားပါတယ်။ ဒီမြို့လေးမှာ လူတွေဟာ တစ်ယောက်ပြီး တစ်ယောက် ပျောက်ဆုံးနေကြပါတယ်။ ထူးဆန်းတာက ပျောက်ဆုံးသွားသူတွေဟာ အစအနတောင် ရှာလို့မရလောက်အောင်တစ်ခုခုကဝါးမြိုသွားသလိုမျိုး ပျောက်ဆုံးသွားကြတာပါ။ ဒီဖြစ်ရပ်တွေကို ဖော်ထုတ်ဖို့အတွက် စုံထောက် တေလာနဲ့ ဆိုးလက်စ် တို့က စုံစမ်းရင်း ဒေါက်တာခရွမ်းဝဲလ်ဆိုတဲ့ ဆရာဝန်တစ်ယောက်ကို ခြေရာခံမိခဲ့ပါတယ်။ ဒေါက်တာ ခရွမ်းဝဲလ်က လူ့သက်တမ်းကို ဆွဲဆန့်ဖို့အတွက် စမ်းသပ်မှုအမျိုးမျိုးကို လျှို့ဝှက်စမ်းသပ်နေခဲ့တာပါ။ဒီစမ်းသပ်မှုနောက်ကွယ်က လျှို့ဝှက်ချက်တွေက ဘာတွေဖြစ်နေမလဲ။ ဒီဖြစ်ရပ်တွေဟာ တကယ်ပဲ စမ်းသပ်မှုတွေကြောင့်လား၊ တခြားပရောဂတွေကြောင့် ဖြစ်နေမလား ဆိုတာကိုတော့ သည်းထိတ်ရင်ဖိုစရာ ကြည့်ရှုရမဲ့ဇာတ်ကားလေးဖြစ်ပါတယ်။