ဒီတစ်ခေါက်မှာတော့ နာမည်ကြီး Rapper SanE နဲ့ IZONE အဖွဲ့ဝင် အချောလေး Jung Chaeyeon တို့အပြင် ဗီယက်နမ်မင်းသမီး Chi Pu တို့ ပါဝင်သရုပ်ဆောင်ထားတဲ့ live again , loveagain ဆိုတဲ့ ရုပ်ရှင်ဇာတ်ကားလေးကို ဘာသာပြန်တင်ဆက်ပေးလိုက်ရပါတယ် ။ ဇာတ်လမ်းကိုတော့ ဘာသီချင်းရေးရေး တစ်ပုံစံတည်းဖြစ်နေလို့ ဝေဖန်ခံနေရတဲ့ တေးရေးဆရာ ဂန်ဂျီဖီးနဲ့ စတင်ထားပါတယ် ။ တစ်ချိန်က အောင်မြင်ခဲ့တဲ့ ဂန်ဂျီဖီးဟာ လက်ရှိမှာတော့ ရေးလိုက်သမျှ သီချင်းတိုင်းက တစ်ပုံစံတည်းပဲဆိုတဲ့ အကြောင်းပြချက်နဲ့ ပရိုဂျူဆာတွေဆီကနေ အငြင်းခံနေရတာပါ ။ ဒီလိုကနေ တစ်ရက်မှာတော့ သူ့ချစ်သူဟောင်း ဖြစ်တဲ့ ယွန်ဟီးဟာ ဗီယက်နမ်မှာ ကွယ်လွန်သွားပြီ ဆိုတဲ့ သတင်းဆိုးက ဂျီဖီးဆီ ရောက်လာပါတော့တယ် ။ ဒီကိစ္စကို အကြောင်းပြပြီး ဂျီဖီးတို့ သူငယ်ချင်းအဖွဲ့ဟာ စိတ်ဖိစီးမှုတွေကနေ ခေါင်းဆေးရင်း ဗီယက်နမ်သွားကြဖို့ ဆုံးဖြတ်လိုက်ပါတော့တယ် ။ ရုတ်တရက်ထွက်လာတာ ဖြစ်တဲ့အတွက် tour guide မငှါးထားရတဲ့ သူတို့အတွက် ရောက်လာတဲ့ tour guide ကလည်း သီချင်းတွေဖန်တီးပြီး youtube ပေါ်တင်တတ်တဲ့ ဝါသနာရှင်လေးတစ်ယောက် ဖြစ်နေတဲ့အခါ ...ဂီတဝါသနာရှင်လေး မီ နဲ့ ဗီယက်နမ်မှာ ကွယ်လွန်သွားတဲ့ ယွန်ဟီးက ဘယ်လိုဆက်စပ်မှုမျိုးတွေ ရှိနေမှာလဲ ..ဒီဆက်စပ်မှုတွေကို ဂျီဖီးရော သိသွားမှာလား .. ယွန်ဟီး မသေခင် ပြောချင်ခဲ့တဲ့စကားတွေက ဂျီဖီးဆီ ရောက်သွားနိုင်မှာလားဆိုတာကိုတော့ Live again , love again ရုပ်ရှင်မှာ ဆက်လက်စောင့်မျှော် ကြည့်ရှုပေးကြပါဦးနော် ..