နေရပ်ပြန်တဲ့ ကားပေါ်မှာ အမှတ်မထင် ဘေးချင်းကပ်လျက် ထိုင်မိရာကနေ စတင်သိကျွမ်းခဲ့ကြတဲ့ အီအွန်းဟို (Koo Kyo-Hwan) နဲ့ ဟန်ဂျောင်ဝန်း (Mun Ka-Young) တို့ဟာ အပြန်အလှန် အိပ်မက်ချင်း ဖလှယ်ရင်း မှီခိုအားထားရင်းကနေ ချစ်သူတွေအဖြစ်ကို အဆင့်တက်သွားခဲ့ကြပါတယ်။သူတို့နှစ်ဦးဟာ ရယ်မောလိုက် ရန်ဖြစ်လိုက် ပြန်ချစ်လိုက်နဲ့ တစ်လောကလုံးကို ပိုင်ဆိုင်ထားတဲ့အလား ပူပူနွေးနွေး ချစ်ခဲ့ကြပေမဲ့လည်း လောကဓံဆိုတဲ့ တံတိုင်းကြီးရှေ့မှာ မတတ်သာတဲ့အဆုံး ကိုယ်စီ မတူညီတဲ့လမ်းကိုပဲ ဆက်လျှောက်ဖို့ ရွေးချယ်လိုက်ကြရပါတော့တယ်။အဲဒီလိုနဲ့ ၁၀ နှစ်ကြာတဲ့နောက် တိုင်ဖွန်းမုန်တိုင်း တိုက်ခတ်နေတဲ့ ညတစ်ညမှာ အွန်းဟိုနဲ့ ဂျောင်ဝန်းတို့ ပြန်လည် ဆုံစည်းဖြစ်ကြတဲ့အခါမှာတော့...အချစ်စစ်နဲ့ ဆုံခဲ့ဖူးပေမဲ့ အကြောင်းအရင်းအမျိုးမျိုးကြောင့် လွဲချော်ခဲ့ရသူများအတွက် ရင်ထဲ တသသဖြစ်ကျန်ခဲ့စေမဲ့ ဇာတ်ကားကောင်းလေးမို့လို့ အခုပဲ လက်မလွတ်တမ်း ကြည့်ရှုကြဖို့ ညွှန်းဆိုပေးလိုက်ပါတယ်ရှင်။