ထန်မင်းဆက်အစောပိုင်းကာလမှာ မြို့ပြင်လေ့ကျင့်ရေးကွင်းမှာ ပြိုကျနေတဲ့ ထုန်းထျန်းရုပ်ပွားတော်ကြီးရဲ့အပိုင်းအစတွေဟာ တစ်ညမှာ ထူးထူးဆန်းဆန်းပြန်လည်နိုးထလာပါတယ်။ကောင်းကင်ယံမှာ မီးနဂါးတစ်ကောင်ပေါ်လာပြီးတော့ ကောင်းကင်ကြီးတစ်ခုလုံးလင်းထိန်သွားခဲ့ပြီး မီးလုံးတွေနဲ့ထွေးထုတ်တာကြောင့် လေ့ကျင့်ရေးကွင်းတစ်ခုလုံးပျက်စီးပြီး လူတွေအများကြီးသေဆုံးခဲ့ရပါတယ်။ အဲဒီနောက်မှာတော့ ထုန်းထျန်းရုပ်ပွားတော်ကြီးက မီးဟုန်းဟုန်းတောက်လောင်ပြီး ပျက်စီးသွားပြန်ပါတယ်။ မြို့ပြင်ကမိစ္ဆာဂိုဏ်းသားတွေကတော့ ဧကရီဝူကျယ်ထျန်းသာ ရုပ်ပွားတော်လို့ ကိုယ့်ကိုယ်ကိုမီးရှို့အဆုံးစီရင်မှသာ ထန်တိုင်းပြည်ကြီးက ဘေးအန္တရာယ်ကကင်းလွတ်နိုင်မယ်လို့ပြောကြပါတယ်။ မြို့သူမြို့သားတွေ ထိတ်လန့်တုန်လှုပ်နေချိန်မှာ စုံထောက်ကြီးဒီးကိုဒီအမှုကို စုံစမ်းဖို့တာဝန်ပေးခံရပါတယ်။ အဲဒီအချိန်မှာပဲ စုံထောက်ကြီးဒီးနဲ့ ရန်ငြှိုးရှိတဲ့ တရားရေးဌာနကဖေတုန်းရှန်းနဲ့ ဆုံရပြန်ပါတယ်။ မတတ်သာပဲ သူတို့နှစ်ယောက်ဟာ အရင်ကရန်ငြှိုးတွေကိုခဏဘေးချိတ်ပြီး အမှုကိုပူးပေါင်းစုံစမ်းဖို့ ဖိအားပေးခံရပါတယ်။ပြည်ပကရန်သူတွေရဲ့ကျူးကျော်မှု လုပ်ဖော်ကိုင်ဖက်ရဲ့သံသယနဲ့ အငြှိုးအတေးတွေကြားကနေ ဒီးရန်ကျယ်ဟာ အမှန်တရားကိုဖော်ထုတ်ဖို့ အသက်နဲ့ရင်းပြီး နောက်ဆုံးတိုက်ပွဲကိုဆင်နွှဲဖို့ဆုံးဖြတ်လိုက်ပါတော့တယ်။