၁၉၅၀ နှောင်းပိုင်းက ကောင်းဘွိုင်ဇာတ်လမ်းတွေကို ကြည့်ရတာနှစ်သက်တဲ့ ပရိသတ်တွေအတွက်တော့ ဒီဇာတ်ကားကတော်တော်ကောင်းတယ်လို့ ဆိုရမှာပါ။ မဲရစ်ဆိုတဲ့ အရင်က စစ်မှုထမ်းအရာရှိလုပ်ခဲ့သူတစ်ယောက်ဟာ စစ်မှုထမ်းကာလပြီးတဲ့နောက်မှာ ကိုယ့်ရွာမှာကိုယ်အရာပိုင်အနေနဲ့ ပြန်အသက်မွေးနေတဲ့သူပါ။ တစ်နေ့တော့ ကန္တရထဲမှာနေတဲ့ နယ်ခံအင်ဒီးယန်းလူမျိုးတွေက ဆူပူအုံကြွလာတဲ့အခါမှာ သူတို့နေတဲ့ မြို့ရွာနဲ့ မလှမ်းကမ်းက နောက်ထပ်မြို့လေးတစ်မြို့ကိုဆေးဝါးရိက္ခာတွေပို့ပေးဖို့ဖြစ်လာပါတယ်။ ဒါပေမဲ့ အဲဒီမြို့ကိုရောက်ဖို့အတွက် အင်းဒီးယန်းတွေ သူပုန်တွေနေတဲ့ ကန္တာရကြီးကိုဖြတ်ကျော်ရမှာပါ။ အသက်ရလာလို့ ခရီးဝေးထွက်ချင်စိတ် သိပ်မပါပေမယ့်လည်း တာဝန်ဝတ္တရားအရလုပ်ဖို့လိုလာတဲ့အခါ မဲရစ်တစ်ယောက် ကန္တရခရီးကိုထွက်ဖို့ဖြစ်လာပါတယ်။ ဟိုးအရင်တုန်းကလည်း အစ်ကိုက အင်းဒီးယန်းလက်ထဲမှာသေခဲ့တာကို စိတ်ဒဏ်ရာရထားတဲ့ မဲရစ်တစ်ယောက် ဒီကန္တရခရီးမှာ ဘယ်လိုဆန်းပြားတဲ့ အတွေ့အကြုံမျိုးတွေနဲ့ ပြဿနာတွေကိုရင်ဆိုင်ဖြေရှင်းမလဲဆိုတာကို ဒီဇာတ်ကားထဲမှာ ဂန္တဝင်ဆန်ဆန်တွေ့မြင်ရမှာပဲဖြစ်ပါတယ်။