ဟာသသရုပ်ဆောင် Kevin James ပါဝင်ပြီး သူ့ရဲ့ထုံးစံအတိုင်းပေါ့ပေါ့ပါးပါးနဲ့ ကြည့်ရမယ့် Romantic Comedy ကားလေးဖြစ်ပြီး အီတလီနိုင်ငံ၊ ရောမမြို့မှာ ရိုက်ကူးထားတာပါ။ဇာတ်လမ်းကတော့ မင်္ဂလာဆောင်ဖို့ ရောမမြို့ကို ရောက်လာတဲ့ သတို့သားလောင်းတစ်ယောက် (Kevin James) က မင်္ဂလာပွဲမှာတင် အကြီးအကျယ် ကွဲပြဲပြီးအသည်းကွဲကာတစ်ယောက်တည်း သောင်တင်ကျန်ရစ်ခဲ့ပုံကနေ စပါတယ်။ စီစဉ်ထားသမျှ ဟန်းနီးမွန်းအစီအစဉ်တွေ အကုန်ပျက်စီးပြီး စိတ်ဓာတ်ကျနေတဲ့ သူ့ဘဝထဲကို ဒေသခံအမျိုးသမီးတစ်ဦးနဲ့ ခရီးသွားအဖွဲ့တစ်စုက ဝင်လာပါတော့တယ်။ တစ်ယောက်တည်း ဖြစ်ရမှာထက်စာရင် အဲဒီလူတွေနဲ့အတူ ရောမမြို့အနှံ့ လျှောက်သွားရင်း၊ အလွဲတွေကြုံရင်းနဲ့ ဘဝရဲ့ အသည်းကွဲဒဏ်ရာကတကယ်တော့ အဆုံးသတ်မဟုတ်ဘဲအစပြုခြင်းတစ်ခုသာဖြစ်ကြောင်း သူဘယ်လို ရှာဖွေတွေ့ရှိသွားမလဲဆိုတာကို ရိုက်ပြထားတဲ့ Rom-com ကားကောင်းလေးဖြစ်ပါတယ်။