ကိုယ်သွားချင်တဲ့လမ်းကို ပြန်ရွေးဖို့ ဘယ်တော့မှ နောက်မကျသေးဘူး ဘဝဆိုတာ ဘယ်အရွယ်ရောက်ရောက် သင်ယူနေရတုန်းပဲ ဆိုတဲ့ အယူအဆကို "ဘဝရဲ့ ဒုတိယအရွယ်မှာကိုယ့်ကိုယ်ကိုယ် ပြန်လည်ရှာဖွေခြင်း" ပုံစံနဲ့ဖော်ပြထားတဲ့ ကားမျိုးပါ။ဇာတ်လမ်းကတော့ အသက် ၄၀ ကျော်အရွယ် Jane အကြောင်းပါ။ သူမဟာ နေမကောင်းဖြစ်နေတဲ့ ဖခင်ဖြစ်သူကို ပြုစုစောင့်ရှောက်ဖို့အတွက် သူမရဲ့ မွေးရပ်မြို့လေးဆီကို ပြန်လာခဲ့ပါတယ်။ အဲဒီလို ပြန်ရောက်လာတဲ့အခါမှာတော့ သူမ ဖြတ်သန်းခဲ့တဲ့ ဘဝလမ်းကြောင်းတွေကို ပြန်လည်သုံးသပ်မိပြီး "ငါ တခြားလမ်းကို ရွေးခဲ့ရင် ဘာဖြစ်မလဲ" ဆိုတဲ့ မေးခွန်းတွေနဲ့ရင်ဆိုင်ရပါတော့တယ်။မြို့လေးမှာ ငယ်သူငယ်ချင်းတွေ၊ အတိတ်က အမှတ်တရတွေနဲ့ ပြန်လည်ဆုံတွေ့ရင်း တစ်ခါတလေမှာ အရယ်ရခက်၊ တစ်ခါတလေမှာလည်း ရင်နင့်စရာကောင်းတဲ့ အဖြစ်အပျက်တွေကြားမှာJane တစ်ယောက် သူမရဲ့ ဘဝအဓိပ္ပာယ်ကို အသစ်တစ်ဖန် ပြန်လည်ပုံဖော်သွားပုံကို ရိုက်ပြထားတဲ့ Coming-of-age Drama ကားကောင်းလေးပါ။