The Way Home HD

The Way Home

Drama Family HD 2002-04-05 7.97 86 Min

ဆိုးလ်မြို့ကလာတဲ့ ဆန်းဝူဆိုတဲ့ ကောင်လေးတစ်ယောက်ဟာ ကျေးလက်ဒေသကလေးမှာ စကားမပြောနိုင်တဲ့ သူ့အဖွားနဲ့ ၂ လလောက်နေဖို့ အကြောင်းဖန်လာခဲ့ပါတယ်။ ဆန်းဝူဆိုတဲ့ ကောင်လေးက အလိုလိုက်ခံထားရတဲ့အတိုင်း အဖွားအပေါ်ကိုလည်း မရိုမသေ ပြုမူဆက်ဆံခဲ့ပါတယ်။ အဖွားဖြစ်သူကတော့ မြို့ပြရဲ့ သက်သောင့်သက်သာရှိမှုတွေကိုသာ မက်မောတဲ့ မြေးဖြစ်သူရဲ့ ရိုင်းစိုင်းမှုတွေ တစ်ကိုယ်ကောင်းဆန်မှုတွေကို ဘာစကားတစ်လုံးမှ မပြောဘဲ မေတ္တာတရားနဲ့သာ တုံ့ပြန်ခဲ့ပါတယ်။ အဖွားဖြစ်သူရဲ့ တိတ်တိတ်ဆိတ်ဆိတ်နဲ့ မပြောင်းလဲတဲ့ မေတ္တာက ဆန်းဝူရဲ့ မာကျောတဲ့ စိတ်ကို တဖြည်းဖြည်း ပျော့ပျောင်းလာစေမလား၊ ဆန်းဝူကရော အဖွားရဲ့ နက်ရှိုင်းတဲ့ ချစ်ခြင်းမေတ္တာကို နားလည်လာပြီး တန်ဖိုးထားတတ်လာမလားဆိုတာကိုတော့ ဇာတ်လမ်းလေးမှာ မြင်တွေ့ရမှာပဲ ဖြစ်ပါတယ်။ ကြီးကျယ်ခမ်းနားတဲ့ ဇာတ်အိမ်တွေ မပါဝင်ဘဲ လူသားတို့ရဲ့ အခြေခံအကျဆုံးသော "ချစ်ခြင်းမေတ္တာ” ကိုသာ အာရုံစိုက်ထားလို့ ဘယ်တော့မှ ရိုးမသွားမယ့် လက်ရာတစ်ခုပဲဖြစ်ပါတယ်။ ပရိသတ်ကြီးကို ငယ်ဘဝအမှတ်တရတွေဆီ ခေါ်ဆောင်သွားပြီး ကြည့်ရှုသူတိုင်းရဲ့ ပါးပြင်ပေါ်မှာ မျက်ရည်စတွေ ဝဲစေမယ့် ဇာတ်ကားလေးမို့ စိတ်ဝင်စားစွာနဲ့ ကြည့်ရှုပေးကြပါဦးနော်။