The Professional HD

The Professional

Action Thriller Adventure HD 1981-10-21 7.2 108 Min

ပြင်သစ်ထိပ်တန်းမင်းသားကြီး Jean-Paul Belmondo ရဲ့ အထင်ကရ အက်ရှင်ကားကောင်းတစ်ကားပါ။ ဒီဇာတ်ကားဟာ ပြင်သစ်နိုင်ငံမှာတင်မကဘဲ ကမ္ဘာတစ်ဝန်းမှာပါ လူကြိုက်များခဲ့ပြီးအထူးသဖြင့် သူ့ရဲ့ နောက်ခံတေးဂီတက ဒီနေ့အထိ ကျော်ကြားနေတုန်းပါပဲ။ပြင်သစ်လျှို့ဝှက်အေးဂျင့် Joss Beaumont ဟာ အာဖရိကနိုင်ငံတစ်ခုရဲ့ အာဏာရှင်သမ္မတကို လုပ်ကြံဖို့ တာဝန်ပေးခြင်း ခံရပါတယ်။ ဒါပေမဲ့ နိုင်ငံရေးအခြေအနေတွေပြောင်းလဲသွားတဲ့အခါမှာတော့ ပြင်သစ်အစိုးရက သူ့ကို သစ္စာဖောက်ပြီး အာဖရိကအစိုးရလက်ထဲ အပ်နှံလိုက်ပါတော့တယ်။ Beaumont ဟာ အကျဉ်းထောင်ထဲမှာ နှစ်ပေါင်းများစွာ ခက်ခဲစွာ ဖြတ်သန်းခဲ့ရပြီးနောက်ထွက်ပြေးလွတ်မြောက်လာခဲ့ပါတယ်။ သူ ပြင်သစ်နိုင်ငံကို ပြန်ရောက်လာတဲ့အခါမှာတော့ သူ့ကိုသစ္စာဖောက်ခဲ့တဲ့ အထက်လူကြီးတွေကို အသိပေးလိုက်တာက "ငါ့ကိုပေးခဲ့တဲ့ တာဝန်ကို ငါအပြီးတိုင် ထမ်းဆောင်မယ်" ဆိုတာပါပဲ။အာဏာရှင်သမ္မတ ပြင်သစ်ကို အလည်လာမယ့်အချိန်မှာ Beaumont က သူ့ရဲ့ လုပ်ကြံမှုကို ဘယ်လိုနည်းနဲ့မဆို အကောင်အထည်ဖော်မှာဖြစ်လို့ ပြင်သစ်လုံခြုံရေးတပ်ဖွဲ့တွေနဲ့ Beaumontကြားမှာ ကြောင်နဲ့ကြွက် ကစားသလို ရင်တထိတ်ထိတ် အားပြိုင်မှုကို မြင်တွေ့ရမယ့် အက်ရှင်ကားကောင်းပါ။