Demons ပထမကားရဲ့အဆက်ဖြစ်ပြီး မကောင်းဆိုးဝါးတွေက ရုပ်ရှင်ရုံထဲမှာတင် မဟုတ်ဘဲ တီဗီဖန်သားပြင်ကနေပါ အပြင်ထွက်လာနိုင်တဲ့ ပုံစံပြောင်းလဲသွားပါပြီ။လုံခြုံရေးအပြည့်ရှိတဲ့ ခေတ်မီအထပ်မြင့် တိုက်ခန်းတွဲ ကြီးတစ်ခုမှာ အခြေတည်ထားပါတယ်။ Sally ရဲ့ မွေးနေ့ပါတီပွဲ ကျင်းပနေချိန်မှာ တိုက်ခန်းထဲက တီဗီမှာ ပထမကားက ဖြစ်ရပ်တွေကိုမှတ်တမ်းတင်ထားတဲ့ Horror ကားတစ်ကား ပြသနေပါတယ်။ ထူးဆန်းတာက တီဗီထဲက မကောင်းဆိုးဝါးတစ်ကောင်ဟာ ဖန်သားပြင်ကို ဖောက်ထွက်ပြီး Sally ရဲ့ အခန်းထဲကို တကယ်ရောက်လာပါတော့တယ်။ Sally ဟာ မကောင်းဆိုးဝါးအဖြစ်ပြောင်းလဲသွားပြီးနောက်မှာတော့ အဲဒီတိုက်ခန်းတွဲကြီးတစ်ခုလုံးမှာရှိတဲ့ လူတွေဟာ တစ်ယောက်ပြီးတစ်ယောက် ကူးစက်ခံရပြီး အမဲဖြတ်ပွဲကြီးစတင်ပါတော့တယ်။ အဆောက်အအုံရဲ့ လုံခြုံရေးစနစ်တွေ ချို့ယွင်းသွားပြီး လူတွေအားလုံး ပိတ်မိနေချိန်မှာ ကျန်ရှိနေတဲ့သူတွေက ဒီငရဲခန်းကနေ ဘယ်လိုလွတ်မြောက်အောင် ကြိုးစားကြမလဲဆိုတာကိုပထမကားလိုပဲ ရင်တထိတ်ထိတ်နဲ့ ကြည့်ရမှာပါ။