ရုံဝင်သူ 5 သန်းနီးပါးရှိခဲ့ပြီး ဆုပေါင်း (15) ဆုအထိ ရရှိခဲ့တဲ့ ဒီရုပ်ရှင်ကားကြီးမှာတော့ Choi Min Sik, Ha Jung Woo, Ma Dong Seok, Cho Jin Woong, Kim Sung Kyun နဲ့ Kwak Do Won စတဲ့ တကယ့် မင်းသားကြီးတွေ မြိုင်မြိုင်ဆိုင်ဆိုင် ပါဝင်အားဖြည့်ထားပြီး ၁၉၉၀ ခုနှစ်ကာလပတ်ဝန်းကျင်က ဘူဆန်မြို့ရဲ့ အကျင့်ပျက်ခြစားမှုတွေနဲ့ လူမိုက်ဂိုဏ်းတွေရဲ့အာဏာစက်ပြင်းမှုကို အစိုးရဘက်က ချေမှုန်းသုတ်သင်တဲ့ကာလကို အခြေခံပြီးရိုက်ကူးထားတဲ့ ဇာတ်ကားကောင်းလေးပဲဖြစ်ပါတယ်။ဒီဇာတ်လမ်းမှာဆိုရင် အဓိကဇာတ်ဆောင် Choi Ik Hyun (Choi Min Sik) က အကျင့်ပျက်နေတဲ့ အစိုးရ အကောက်ခွန် ဝန်ထမ်းတစ်ယောက်ဖြစ်ပြီး မူးယစ်ဆေးဝါးတွေကိုရှာတွေ့ရာကနေ လူမိုက်ဂိုဏ်းတစ်ခုနဲ့ ချိတ်ဆက်မိသွားပါတော့တယ်။ အဲဒီကနေ လူမိုက်ဂိုဏ်းခေါင်းဆောင် Choi Hyung Bae (Ha Jung Woo) နဲ့ ပူးပေါင်းမိပြီး အာဏာ၊ ငွေကြေးနဲ့ လောဘရဲ့ သားကောင်တွေအဖြစ် မကောင်းမှုတွေ တရစပ် ကျူးလွန်လာကြတာပေါ့။ ဒီလိုနဲ့ “ချွဲ” မျိုးနွယ်နှစ်ယောက် ကိုင်းကျွန်းမှီ ကျွန်းကိုင်းမှီကြိုးစားလာကြရင်း တတိယလူဖြစ်တဲ့ Kim Pan Ho (Jo Jin Woong) ဝင်ရောက်လာတဲ့အခါ... လူတွေရဲ့ သံသယများတတ်တဲ့ သဘောသဘာဝ နဲ့ သစ္စာဖောက်တတ်တဲ့ အကျင့်တွေကြောင့် ခွာပြဲသွားတဲ့ သူတို့နှစ်ယောက် ဘာတွေဆက်ဖြစ်ကြမလဲ...တစ်ဖက်ကလည်း အစိုးကိုယ်တိုင်ကိုက အာဏာကုန်သုံးပြီးပံ့ပိုးပေးထားတဲ့ “ရာဇဝတ်ဂိုဏ်း တိုက်ဖျက်ရေးစစ်ပွဲ” ကို အမှုစစ် Jo Beom Seok (Kwak Do Won) က ဦးဆောင်ပြီး အသက်သွင်းလိုက်တဲ့အခါ... လောဘဇောတိုက်လာတဲ့အခါ လူတွေက ဘယ်လောက်တောင်စဥ်းလဲတတ်ကြသူတွေဖြစ်မလဲ... မကောင်းမှုဒုစရိုက်သမားတွေရဲ့အဆုံးသတ်က ဘာဖြစ်မလဲ... စတာတွေကို ခံစားကြည့်ရှုနိုင်မဲ့ ဇာတ်ကားကောင်းလေးပဲ ဖြစ်ပါတယ်။