သိပ္ပံပညာရှင် ဇနီးမောင်နှံနှစ်ဦးရဲ့ အေးချမ်းတဲ့ အားလပ်ရက် ခရီးစဉ်လေးကနေတစ်ဆင့် တစ်ကမ္ဘာလုံးကို တုန်လှုပ်စေမယ့် ရှာဖွေတွေ့ရှိမှုကြီးတစ်ခုဆီ ဦးတည်သွားတဲ့ Sci-Fi / Thrillerကားကောင်းတစ်ကားပါ။ ဒီဇာတ်ကားဟာ အာကာသနဲ့ စကြဝဠာဆိုင်ရာ လျှို့ဝှက်ချက်တွေကို လူသားဆန်တဲ့ ခံစားချက်တွေနဲ့ ပေါင်းစပ်ရိုက်ကူးထားတာ ဖြစ်ပါတယ်။ဇာတ်လမ်းကတော့ ဝေးလံတဲ့ တောအုပ်ထဲက သစ်လုံးအိမ်လေးတစ်ခုမှာ အနားယူအပန်းဖြေဖို့ ရောက်ရှိနေတဲ့ ပညာရှင်ဇနီးမောင်နှံနှစ်ဦးအကြောင်းပါ။ သူတို့ဟာ လောကကြီးနဲ့အဆက်အသွယ်ဖြတ်ပြီး အေးအေးဆေးဆေး နေချင်ခဲ့ပေမဲ့၊ မထင်မှတ်ထားတဲ့ လူစိမ်းတစ်ယောက်က သူတို့ရှိရာကို လိုက်လံရှာဖွေပြီး ရောက်ရှိလာတဲ့အခါမှာတော့ သူတို့ရဲ့ အားလပ်ရက်ဟာပျက်စီးသွားပါတော့တယ်။အဲဒီလူစိမ်းဟာ သူတို့ဆီကနေ အကူအညီတစ်ခု တောင်းခံလာပါတယ်။ အဲဒီအကူအညီကတော့ လူသားသမိုင်းတစ်လျှောက်မှာ အရေးအကြီးဆုံးဖြစ်လာမယ့် "အကြီးမားဆုံးသော ရှာဖွေတွေ့ရှိမှုတစ်ခုနဲ့ ပတ်သက်နေပါတယ်။ ဒီလျှို့ဝှက်ချက်က သူတို့ရဲ့ ဘဝတွေကိုသာမက တစ်ကမ္ဘာလုံးရဲ့ အနာဂတ်ကိုပါ ပြောင်းလဲပစ်နိုင်တဲ့အခါ... သူတို့ ဘယ်လိုဆုံးဖြတ်ချက်တွေ ချသွားမလဲ ဘာကို ရှာတွေ့ခဲ့တာလဲ" ဆိုတဲ့ ပဟေဠိကို စိတ်ဝင်တစားကြည့်ရမှာဖြစ်ပါတယ်။