ပန်နီက ဓာတ်ပုံစတူဒီယိုတစ်ခုမှာ ဓာတ်ပုံပြင်တဲ့ အလုပ်ကိုလုပ်ရင်း ဘဝကိုဖြတ်သန်းနေသူပါ။ ပန်နီက သူ့ရဲ့ ခန္ဓာကိုယ်အရွယ်အစားကြောင့် အားငယ်လေ့ရှိပြီးတော့ ဝိတ်ကျဖို့အတွက် အစားအသောက်ပုံစံတွေ၊ နေထိုင်မှုပုံစံတွေကိုပါပြောင်းလဲပြီး ကျန်းမာရေးကို အရမ်းလိုက်စားပါတယ်။ ဒါပေမဲ့ ဝိတ်ကျဖို့ဆိုတဲ့ သူ့ရဲ့ ပန်းတိုင်ကတော့ ဝေးနေဆဲပါပဲ။ တစ်ရက်မှာတော့ စတူဒီယိုမှာ ကြော်ငြာလာရိုက်တဲ့ ပိန်ပိန်ပါးပါး မော်ဒယ်မလေးတစ်ယောက်နဲ့ စကားစပ်မိရင်း သင်နက်စထရာ ဆိုတဲ့ ဆေးအသစ်တစ်မျိုးအကြောင်းသိလိုက်ရပါတယ်။ သင်နက်စထရာ ဆိုတာ အသစ်ထုတ်လုပ်ထားပြီး လူတွေမသိသေးတဲ့ ကိုယ်အလေးချိန်ကျစေတဲ့ဆေးတစ်မျိုးပါ။ ဒါပေမဲ့ ကိုယ်အလေးချိန်ကျစေတဲ့ ဆေးတွေရဲ့ ထုံးစံအတိုင်း ဘေးထွက်ဆိုးကျိုးတွေကတော့ ရှိစမြဲပါပဲ။ ကိုယ့်ရဲ့ပန်းတိုင်က သူများအတွက် မတောင်းဘဲပြည့်တဲ့ဆုဖြစ်နေပေမဲ့ ကိုယ်တိုင်က ခက်ခက်ခဲခဲအားထုတ်နေရတဲ့အခါ ဆိုးကျိုးရှိမှန်းသိလျက်နဲ့ ဆေးကို သုံးမိလိုက်တဲ့အခါမှာတော့....