ဒီဇာတ်ကားဟာ မြို့ငယ်လေးတစ်မြို့ရဲ့ ခရစ္စမတ်အကြိုညကို ဇာတ်အိမ်တည်ရိုက်ကူးထားတဲ့ Psychological Horror-Thriller အမျိုးအစား ဇာတ်ကားတစ်ကား ဖြစ်ပါတယ်။မာရီ (Marie) ဆိုတဲ့ အမျိုးသမီးဟာ ခရစ္စမတ်ပိတ်ရက်မှာ သူ့မိသားစုဆီသွားဖို့ ကားမောင်းလာရင်း လမ်းမှာ လူသတ်သမားတစ်ယောက်နဲ့ မမျှော်လင့်ဘဲ ဆုံတွေ့ခဲ့ပါတယ်။ အလန် (Alan) လို့ခေါ်တဲ့ အဲဒီလူသတ်သမားဟာ သွေးတွေပေကျံနေပြီး မာရီ့ကို ဓားနဲ့ခြိမ်းခြောက်ကာ သူထွက်ပြေးဖို့အတွက် ကူညီခိုင်းပါတယ်။ဒီလိုနဲ့ ရွေးချယ်စရာမရှိတော့တဲ့ မာရီလည်း ကြောက်စရာကောင်းတဲ့ လူသတ်သမားခိုင်းတဲ့အတိုင်း လုပ်ပေးရပါတော့တယ်။ မာရီတစ်ယောက် အဲဒီညမှာ အသက်ရှင်လျက် လွတ်မြောက်နိုင်ပါ့မလား၊ လူသတ်သမားရဲ့ နောက်ကွယ်က လျှို့ဝှက်ချက်တွေကရော ဘာတွေလဲ....ဘယ်လို ဇာတ်လမ်းအလှည့်အပြောင်းတွေ ပါဝင်နေမလဲဆိုတာကို ရင်တထိတ်ထိတ်နဲ့ ကြည့်ရှုရမယ့် ရုပ်ရှင် ဇာတ်ကားတစ်ခုပဲဖြစ်ပါတယ်။