အဲလစ်က ငယ်ငယ်လေးကတည်းက စာရေးရတာကို အရမ်းဝါသနာပါခဲ့ပေမဲ့ အသက်အရွယ်ကြီးလာတာနဲ့အမျှ ဘဝအတွက်ရုန်းကန်ရင်း သူဝါသနာပါတဲ့အရာနဲ့ ဝေးကွာမှန်းမသိ ဝေးကွာသွားခဲ့ပါတယ်။ စာအုပ်တစ်အုပ်ရေးမယ်လို့ စိတ်ကူးထားခဲ့ပေမဲ့ တစ်နွေပြီးတစ်နွေ အချိန်ကုန်ရင်း လက်တွေ့ဖြစ်မလာခဲ့ပါဘူး။ ဒီလိုနဲ့ အစမ်းခန့်ကာလအဖြစ် အလုပ်ဝင်လုပ်နေတဲ့ ကုမ္ပဏီဆီကနေ အလုပ်ကမ်းလှမ်းမှုလည်းရခဲ့ပြီး ဘဝကို ရှေ့ဆက်ဖို့ အဆင်သင့်ဖြစ်နေပါပြီ။ ဒါပေမဲ့လည်း နယ်မြို့လေးက အဖွားဖြစ်သူ ဆုံးပါးသွားတာကြောင့် အဖွားချန်ရစ်ခဲ့တဲ့ စာအုပ်ဆိုင်လေးကို ရောင်းချဖို့အတွက် နယ်မြို့လေးက စာအုပ်ဆိုင်လေးဆီ တစ်ခါပြန်လာခဲ့ရပါတော့တယ်။ ငယ်ငယ်က ကြီးပျင်းခဲ့တဲ့အမှတ်တရတွေ၊ အဖွားရဲ့ စာအုပ်ဆိုင်အငွေ့အသက်လေးတွေနဲ့ ပြန်ထိတွေ့မိတဲ့အခါမှာတော့ ပျောက်ဆုံးသွားတဲ့ စာရေးခြင်းဝါသနာလေးက ပြန်ပေါ်လာခဲ့ပြီး အလုပ်အကိုင်နဲ့ ဝါသနာအကြား လွန်ဆွဲစရာတွေဖြစ်လာပါတော့တယ်။