ဘဝမှာ လမ်းပျောက်နေတဲ့ လူငယ်တစ်ယောက်ရဲ့ အတွင်းစိတ်ခရီးနဲ့ ဘဝရဲ့ ရည်ရွယ်ချက်တွေကို ပြန်လည်ရှာဖွေမှုကို လှပစွာ ပုံဖော်ထားတဲ့ ပြင်သစ်ရုပ်ရှင်ကားဖြစ်ပါတယ်။ ဇာတ်လမ်းကတော့ အသက် ၂၈ နှစ်အရွယ် Laurent အကြောင်းပါ။သူဟာ သူ့ရဲ့ဘဝမှာ ဘာဆက်လုပ်ရမလဲဆိုတာ မသေချာဘဲ လမ်းပျောက်ပြီးလည်နေတဲ့ အခြေအနေနဲ့ ရင်ဆိုင်နေရသူပါ။ စိတ်ပင်ပန်းမှုတွေကနေ လွတ်မြောက်ဖို့အတွက် သူဟာ ခရီးသွားရာသီ မဟုတ်ဘဲ လူသူကင်းမဲ့နေတဲ့ Alps (အလ်ပ်စ်) တောင်တန်းပေါ်က နှင်းလျှောစီးစခန်းတစ်ခုမှာ သွားရောက်ခိုလှုံခဲ့ပါတယ်။အဲဒီမှာ သူဟာ ဒေသခံအနည်းငယ်နဲ့ ဆုံတွေ့ခဲ့ပြီး သူတို့ရဲ့ ရိုးရှင်းတဲ့ ဘဝနေထိုင်မှုပုံစံတွေ၊ ထူးခြားတဲ့ စရိုက်တွေနဲ့ ထိတွေ့ခွင့်ရခဲ့ပါတယ်။ မထင်မှတ်ထားတဲ့ သံယောဇဉ်တွေ စတင်ဖြစ်ပေါ်လာတဲ့အခါမှာတော့ Laurent တစ်ယောက် သူ့ဘဝရဲ့ အဓိပ္ပာယ်ကို ဒီအေးစိမ့်တဲ့ တောင်တန်းတွေကြားမှာ ဘယ်လိုမျိုးပြန်လည်ရှာဖွေတွေ့ရှိသွားမလဲဆိုတာကို ရိုက်ပြထားတဲ့ ဇာတ်လမ်းကောင်းတစ်ပုဒ်ပါ။