မော်ရိစ်ဆိုတာ အလွန်ပိုက်ဆံမက်ပြီး အတ္တကြီးတဲ့ကြောင်ကြီးပေါ့။မော်ရိစ်က ပိုက်ဆံမက်တဲ့အတွက် ကြွက်တွေကို ခိုင်းစားသတဲ့။ဘယ်လိုခိုင်းစားသလဲဆို မြို့တွေ တစ်မြို့ပြီးတစ်မြို့ကို သွားပြီး ကြွက်တွေကို ဝင်မွှေခိုင်းတယ်။အဲ့တော့ မြို့ကလူတွေကကြွက်တွေကိုကြောက်ပြီး သူ့ကိုအားကိုးလာမယ်။ အဲ့ကျသူကလည်း ပုလွေဆရာကီးကိုခေါ်ပေးမယ်။ကီးက ပုလွေမှုတ်ပြီး ကြွက်တွေကို ခေါ်ထုတ်သွားနိုင်ကြောင်း ပြောပြီးပိုက်ဆံပေးရမယ်လို့ ပြောတာပေါ့။အဲ့လိုနဲ့ ကြွက်တွေရယ် ကီးရယ် မော်ရိစ်ရယ် ပေါင်းပြီး လူတွေကိုလိမ်စားနေတာပေါ့။နောက်ပိုင်းမှာတော့ ကြွက်လေးတွေဟာ လူတွေကို လှည့်စားနေတာမကောင်းဘူးလို့ပြောပြီး လူတွေရော ကြွက်တွေရော တရင်းတနှီးနဲ့ စည်းစည်းလုံးလုံး နေလို့ရမယ့်ကောင်းကင်ဘုံလိုနိုင်ငံကို ရှာချင်တယ်လို့ မော်ရိစ်ကို ပြောခဲ့တယ်။ အဲ့ဒါကို မော်ရိစ်ကလက်ခံပါ့မလား။ဘာတွေ ညာပြီး ခိုင်းအုံးမလဲ။နောက်ဆုံးမှာ သူတို့တွေ နေချင်တဲ့ကောင်းကင်ဘုံလိုနေရာကို ရှာတွေ့သွားမလား၊ မော်ရိစ်ကရော အတ္တတွေကို လျှော့ချသွားမှာလားဆိုတာကို ကြည့်ရှု့ခံစားရမှာ ဖြစ်ပါတယ်။ လူဆိုးလေးတွေကနေ လူလိမ္မာလေးတွေပုံစံပြောင်းလဲသွားတာကို အမြင်တစ်မျိုးနဲ့ ကြည့်ရှုရမှာမလို့ လက်မလွှတ်သင့်တဲ့ကားလေးပါနော်။