"Solace" ဆိုတဲ့ ရုပ်ရှင်ဇာတ်ကားဟာ ၂၀၀၆ ခုနှစ်မှာ ဒါရိုက်တာ Byun Seung-wook က ရိုက်ကူးထားပြီးတော့ဝါရင့်မင်းသားကြီး Han Suk-kyu နဲ့ မင်းသမီး Kim Ji-soo တို့က အဓိကဇာတ်ဆောင်တွေအနေနဲ့ ပါဝင်ထားပါတယ်။မိသားစုအရေးနဲ့ လူမှုရေးဖိအားတွေကြောင့် စိတ်ဓာတ်ကျနေတဲ့ဆေးဝါးကျွမ်းကျင်သူ အင်ဂူနဲ့ အချစ်ရေးမှာ အဆင်မပြေဖြစ်ပြီး ဘဝကို အားမလိုအားမရဖြစ်နေတဲ့ အဝတ်အထည်ဒီဇိုင်းနာ ဟယ်ရန် တို့ရဲ့ ဘဝကို အခြေခံထားပြီး၊ အထီးကျန်မှုနဲ့ နာကျင်မှုကြားမှာ ရှုပ်ထွေးနေတဲ့ဘဝကို ရိုက်ကူးထားတာပဲဖြစ်ပါတယ်။သူတို့နှစ်ဦးဟာ ဆုံစည်းခွင့်မသာတဲ့ အခြေအနေတွေကြားမှာပဲ တစ်ယောက်ကိုတစ်ယောက် မရည်ရွယ်ဘဲ အချင်းချင်းအတွက် နှစ်သိမ့်မှုပေးမိကြပါတယ်။ သူတို့ရဲ့ ရည်ရွယ်ချက်ကတော့ ခက်ခဲလှတဲ့ လက်တွေ့ဘဝရဲ့ ဖိစီးမှုတွေကနေ ခဏတာ လွတ်မြောက်ပြီး အေးချမ်းသာယာတဲ့ဘဝကို နေထိုင်ချင်တာပဲ ဖြစ်ပါတယ်။ ဒါပေမဲ့ သူတို့ကြားမှာပဲ ဖွင့်ဟလို့မရနိုင်တဲ့ ခံစားချက်တွေ၊ မိသားစုတာဝန်တွေနဲ့ လက်တွေ့ဘဝကြား ပဋိပက္ခတွေက ကြီးလာတဲ့အခါ… သူတို့ရဲ့ ရွေးချယ်မှုက မှန်နေသေးမလား....အေးစက်တဲ့ လူမှုပတ်ဝန်းကျင်ထဲမှာ ခံစားချက်နဲ့ အတွေးအခေါ်ကို တစ်ပြိုင်နက်တည်း ရရှိစေတဲ့ ဒီဇာတ်ကားဟာ "နှစ်သိမ့်မှု" ဆိုတာ ဘာလဲ၊ ဘဝရဲ့ အမှန်တရားဆိုတာ ဘယ်မှာလဲဆိုတာကို ပြန်စဉ်းစားစေမယ့် ရုပ်ရှင်ကားလေးဖြစ်တာကြောင့် တူတူကြည့်ရှုခံစားလိုက်ကြရအောင်ပါနော်။