The Big Swindle HD

The Big Swindle

Action Comedy Crime HD 2004-04-15 6.8 116 Min

တောင်ကိုရီးယားရဲ့ ဓားပြတိုက်၊ လိမ်လည်မှု ဇာတ်ကားကောင်းတွေကို ကြိုက်နှစ်သက်သူတွေအတွက် The Theives၊ Tazza စတဲ့ ဇာတ်ကားတွေရဲ့ ဒါရိုက်တာ Choi Dong Hoon ရဲ့  ပွဲဦးထွက်လက်ရာဖြစ်ပြီး Man on the Edge ထဲက မင်းသား Park Shin Yang၊ Mission Cross ထဲက မင်းသမီး Yum Jung Ah၊ Noryang: Deadly Sea ထဲက မင်းသား Kim Yoon Seok  စတဲ့ နာမည်ကြီး မင်းသားမင်းသမီးတွေ ပါဝင်အားဖြည့်ထားတဲ့ ဒီဇာတ်ကားလေးက ကြည့်ရတန်စေမဲ့ ကားကောင်းကားဟောင်းလေးတစ်ကားပါ။ ဒါ့အပြင် ၂၀၀၄ ခုနှစ်ရဲ့ Grand Bell Awards နဲ့ Blue Dragon Awards တို့မှာလည်း ဒါရိုက်တာဆု၊ ဇာတ်ညွှန်းဆု၊ တည်းဖြတ်ဆု နဲ့ သရုပ်ဆောင်ဆု စတဲ့ ထူးချွန်ဆုပေါင်း ၁၃ ဆုကိုလည်း သိမ်းပိုက်ခဲ့ပါသေးတယ်။ဇာတ်လမ်းလေးဟာဆိုရင် ဟန်းဂုဘဏ်ကနေ ဝမ် ၅ ဘီလီယံ လိမ်လည်ခိုးယူခဲ့တဲ့ လူလိမ်အဖွဲ့တစ်ဖွဲ့အကြောင်းကို အခြေခံထားတာပါ။ ဇာတ်လမ်းအစမှာတင် အဓိကဇာတ်ဆောင်ဖြစ်တဲ့ “ချွဲချန်းဟျော့” က ရဲတွေလိုက်ဖမ်းတာခံပြီး ကားမှောက်ပြီး သေဆုံးသွားခဲ့ပါတယ်။ ဒီလိမ်လည်မှုကြီးမှာ ပါဝင်ခဲ့တဲ့ လူ ၅ ယောက်ထဲက ၁ ယောက်ပဲ အဖမ်းခံခဲ့ရပြီး ကျန်တဲ့ ၄ ယောက်ကတော့ ပိုက်ဆံတွေနဲ့အတူ ပျောက်ချင်းမလှပျောက်ဆုံးသွားပါတယ်။ ဒါပေမဲ့ သေဆုံးသူ “ချွဲချန်းဟျော့” ရဲ့အစ်ကိုဖြစ်သူ “ချွဲချန်းဟို” ကလည်း အဓိက ဇာတ်ဆောင်တစ်ယောက်အနေနဲ့ ပေါ်ထွက်လာတဲ့အခါမှာတော့,....သူနဲ့ သေဆုံးသူညီဖြစ်သူရဲ့ လိမ်လည်မှုကရော ဘယ်လိုပတ်သက်မှုရှိနေတာလဲ... ညီဖြစ်သူကရော တကယ်ပဲသေဆုံးသွားတာလား...  ပိုက်ဆံတွေနဲ့အတူ လွတ်မြောက်သွားတဲ့ လူလိမ် ၄ ယောက်ကရော ဘယ်လိုတွေဆက်ဖြစ်မှာလဲ... မထင်မှတ်ထားတဲ့ ဘယ်လိုလှည့်ကွက်တွေကို ပဟေဠိဆန်ဆန်ရှုစားရဦးမလဲဆိုတာကို ကြည့်ရှုရင်း အဖြေရှာနိုင်ဖို့ တင်ဆက်ပေးလိုက်ပါတယ်။