Je m'appelle Agneta HD

Je m'appelle Agneta

Comedy Drama Romance HD 2026-04-28 7.375 114 Min

ဒီဇာတ်ကားဟာ စာရေးဆရာမ Emma Hamberg ရဲ့ နာမည်ကျော် ဆွီဒင်ဝတ္ထုကို ရုပ်ရှင်အဖြစ် ပြန်လည်အသက်သွင်းထားတဲ့ Comedy Drama အမျိုးအစား ရုပ်ရှင်တစ်ခုပဲဖြစ်ပါတယ်။ဇာတ်လမ်းကတော့ အသက် ၄၉ နှစ်အရွယ် Agneta ဆိုတဲ့ အမျိုးသမီးတစ်ယောက်အကြောင်းပါ။ သူမဟာ အိမ်ထောင်သည်ဘဝမှာရော၊ အလုပ်မှာပါ သူမရဲ့ တည်ရှိမှုကို ဘယ်သူကမှ ဂရုမစိုက်ကြတော့ဘဲ လူပိုတစ်ယောက်လို ဖြစ်နေရတဲ့အပေါ် ငြီးငွေ့နေသူပါ။ တစ်နေ့မှာတော့ သူမဟာ ပြင်သစ်နိုင်ငံ၊ Provence ဒေသမှာရှိတဲ့ အိမ်တစ်အိမ်မှာ အိမ်အကူ /ကလေးထိန်း လုပ်ဖို့ သတင်းစာထဲက ကြော်ငြာတစ်ခုကို မြင်ပြီး ဘဝသစ်စဖို့ ဆုံးဖြတ်လိုက်ပါတယ်။ဒါပေမဲ့ ပြင်သစ်ကို ရောက်သွားတဲ့အခါမှာတော့ အလွဲကြီး လွဲပါတော့တယ်။ သူမ ထိန်းရမယ့် "ကလေး" ဆိုတာက တကယ့် ကလေးမဟုတ်ဘဲ Einar လို့ခေါ်တဲ့ အသက်ကြီးကြီး၊ စိတ်ကူးယဉ်ဆန်ပြီး သတိမေ့လျော့တဲ့ရောဂါရှိနေတဲ့ အမျိုးသားကြီးတစ်ယောက် ဖြစ်နေတာပါ။ ဒီလိုနဲ့ Agneta တစ်ယောက် ထူးဆန်းတဲ့ အိမ်ကြီးထဲမှာ Einar နဲ့အတူ နေထိုင်ရင်း၊ ပြင်သစ်ယဉ်ကျေးမှုတွေ၊ စားသောက်ဖွယ်ရာတွေကြားမှာ မိမိကိုယ်ကိုယ် ပြန်လည်ရှာဖွေပုံနဲ့ ဘဝကို အဓိပ္ပာယ်ရှိရှိ ပြန်လည်ဖြတ်သန်းပုံတွေကို ရယ်မောဖွယ်၊ ကြည်နူးဖွယ် မြင်တွေ့ရမဲ့ ရုပ်ရှင်ကားကောင်းတစ်ခုပဲဖြစ်ပါတယ်။