Oasis HD

Oasis

Drama Romance HD 2002-08-09 7.7 132 Min

ကားတိုက်​ပြေးမှုနဲ့ ထောင်ကျပြီးနောက် ပြန်လည်လွတ်မြောက်လာတဲ့ ဟုန်း​ဂျောင်ဒူ (Sol Kyung-gu) ဟာ လူမှုအသိုင်းအဝိုင်းနဲ့ရော မိသားစုနဲ့ပါ အံမဝင်ဘဲ ဖယ်ကြဉ်ခံထားရသူတစ်ဦးပါ။ တစ်နေ့မှာတော့ သူ့ရဲ့ကားတိုက်​ပြေးမှုကြောင့် သေဆုံးသွားသူရဲ့ သမီးဖြစ်သူ၊ ဦးနှောက်မသန်စွမ်းဝေဒနာ ခံစားနေရတဲ့ ဟန်ဂုံးဂျူ (Moon So-ri) နဲ့ ဆုံတွေ့ခဲ့ပါတယ်။မိသားစုဝင်တွေရဲ့ ပစ်ပယ်ခြင်းကို ခံထားရတဲ့ သူတို့နှစ်ယောက်ဟာ တစ်ယောက်ရဲ့အထီးကျန်မှုကို တစ်ယောက်က နားလည်ပေးရင်း ထူးဆန်းတဲ့ သံယောဇဉ်တစ်ခု စတင်ခဲ့ပါတယ်။ သာမန်လူတွေရဲ့ အမြင်မှာတော့ ဒီပတ်သက်မှုဟာ ရွံရှာဖွယ်ရာ သို့မဟုတ် နားလည်ရခက်တဲ့ အရာတစ်ခု ဖြစ်နေပေမယ့်၊ သူတို့နှစ်ယောက်ရဲ့ ကမ္ဘာလေးထဲမှာတော့ အိုအေစစ် တစ်ခုလို လှပပြီး အေးချမ်းနေခဲ့ပါတယ်။ဒီဇာတ်ကားဟာ အချစ်ကို ရိုးရိုးရှင်းရှင်း ပုံဖော်ထားတာမျိုးမဟုတ်ဘဲ လူသားချင်းစာနာထောက်ထားမှု၊ လူမှုပတ်ဝန်းကျင်ရဲ့ ကြည့်မြင်ပုံနဲ့ ဘဝရဲ့ခါးသီးတဲ့ အမှန်တရားတွေကို ပီပီပြင်ပြင် ရိုက်ပြထားတာဖြစ်ပါတယ်။ ဒါ​ကြောင့် ရင်ထဲမှာ တစ်ခုခုကျန်ရစ်စေမဲ့ ရုပ်ရှင်အနုပညာလက်ရာကောင်းတစ်ခုကို ကြည့်ရှုလိုသူများအတွက် လုံးဝလက်မလွှတ်သင့်တဲ့ ဇာတ်ကားတစ်ကားပါပဲ​နော်။