ပန်ချာပီစကားပြော ဟာသဒရာမာရုပ်ရှင်လေးကို တင်ဆက်ပေးပါရစေ။ပန်ချာပီလူမျိုးတွေကြားထဲမှာ ရေပန်းစားတဲ့ ကနေဒါအိပ်မက်။ ကနေဒါကိုပြောင်းရွှေ့ခွင့်ရဖို့ အဘိုးလက်ထက်ကနေ မြေးအထိ ကြိုးစားခဲ့ကြပေမဲ့ မအောင်မမြင်ဖြစ်နေတဲ့ရာ့ဂျ်ဗီးရ်တို့မိသားစု။ ကြံရမရတဲ့အဆုံး မြေးဖြစ်သူကို ကနေဒါနိုင်ငံသားခံယူထားတဲ့ သတို့သမီးနဲ့ ပေးစားဖို့ကြံစည်ကြပေမဲ့ ရလာတဲ့ သတို့သမီးက တအိမ်လုံးက ဖြစ်စေချင်တဲ့ပုံစံနဲ့ ဆန့်ကျင်ဘက်ဖြစ်နေတဲ့အခါ...။ပန်ချာပီလူငယ်တွေရဲ့ ကနေဒါအိပ်မက်၊ ယောက္ခမနဲ့ ချွေးမကြားက အားပြိုင်မှု၊ မိန်းမနဲ့ အမေကြား ဗျာများနေတဲ့ရာ့ဂျ်ဗီးရ် အစရှိတဲ့ အလွဲအချော်တွေကို ပန်ချာပီရုပ်ရှင်တွေထုံးစံ သီချင်းအကတွေ၊ အရောင်အသွေးတွေစုံစုံလင်လင်နဲ့ ရယ်မောခံစားရမယ့်ရုပ်ရှင်လေးပါ...။