ဒီရုပ်ရှင်ဟာ ဆွီဒင်-ဖင်လန် ဂီတပညာရှင်နဲ့ ရုပ်ရှင်ဒါရိုက်တာ Anna Eriksson ရဲ့ "Letter Trilogy" (M, W နဲ့ E) ကို ပိတ်သိမ်းပေးမဲ့ နောက်ဆုံးဇာတ်ကား ဖြစ်ပါတယ်။ ဒီကားဟာ ပုံမှန်ဇာတ်လမ်းပြောပြတဲ့ ပုံစံမျိုးထက် စိတ်ကူးယဉ်ဆန်တဲ့ ရုပ်ပုံလွှာတွေ၊ အသံပိုင်းဆိုင်ရာ ခံစားချက်တွေနဲ့ တည်ဆောက်ထားတဲ့ Experimental Film တစ်ခုပါ။ဒါရိုက်တာ Anna Eriksson ဟာ ဒီဇာတ်ကားမှာလည်း သူမရဲ့ အရင်လက်ရာတွေဖြစ်တဲ့ M (2018) နဲ့ W (2022) တို့မှာလိုပဲ လူသားတွေရဲ့ စိတ်အတွင်းသန္တာန်၊ မိန်းမသားဆန်မှု ၊ အာဏာ နဲ့ လိင်စိတ် တို့ကို လေးလေးနက်နက် စူးစမ်းဖော်ထုတ်ထားပါတယ်။"E" မှာတော့ အထူးသဖြင့် "ဖြစ်တည်မှု (Existence)" နဲ့ "အနုပညာဖန်တီးမှု (Expression)" တို့ရဲ့ ဆက်နွှယ်မှုကို ပိုမိုအသားပေးထားပါတယ်။ဒီဇာတ်ကားဟာ ပရိသတ်ကို ဇာတ်လမ်းတစ်ခု ပြောပြနေတာထက်၊ လူ့စိတ်ရဲ့ နက်ရှိုင်းတဲ့ အစိတ်အပိုင်းတွေထဲကို ရုပ်ရှင်မြင်ကွင်းတွေကတစ်ဆင့် ခရီးထွက်စေမှာပါ။ ဇာတ်ကားရဲ့ အမည်ဖြစ်တဲ့ "E" ဆိုတာဟာလည်း Eros (အချစ်)၊ Ego (အတ္တ)၊ Existence (ဖြစ်တည်မှု) စတဲ့ အနက်အဓိပ္ပာယ်များစွာကို ကိုယ်စားပြုနေပါတယ်။ ဒီရုပ်ရှင်ကနေတစ်ဆင့် မတူညီကွဲပြားတဲ့ အတွေးဒဿနတွေရရှိသွားမှာကတော့ အသေအချာပါပဲ။