“ကိုယ် အချိန်မီတော့ ထုတ်လိုက်နိုင်ပေမယ့် ပိုသေချာသွားအောင် ဆေးလေးဖြစ်ဖြစ် သောက်လိုက်ပေါ့”……………… ကောင်မလေးတစ်ယောက်ကို ခြေတော်တင်ပြီး ဒီလို စကားမျိုးပြောခဲ့ရုံနဲ့…. ဖုတ်ဖက်ခါပြီး အိပ်ရာက ထသွားရုံနဲ့ …. ဒီတစ်ညတာ ကိစ္စပြီးသွားရောလား…. ယောကျာ်းလေးတွေက တစ်ခဏစာမို့ ပြောခဲ့နိုင်ပေမယ့် တစ်ဖက်က မိန်းကလေးက တစ်ဘဝစာပါ….။ အထူးသဖြင့် မိန်းကလေးက မူးနေတဲ့အချိန် မရုန်းနိုင်တာကို သဘောတူတယ်လို့ပဲ ယူဆပြီး ကြုံတုန်း တွယ်လိုက်မယ်ဆိုတာမျိုးက….. သဘောတူကြည်ဖြူတယ်လို့ ဆိုနိုင်ရိုးလား။ ခေတ်မီလှပါတယ်ဆိုတဲ့ အမေရိကန်နိုင်ငံမှာ အခြေတည်ထားတဲ့ ဒီဇာတ်လမ်းလေးက မထင်မှတ်ထားတဲ့ ဒိုင်ယာလော့တွေ ပါလာပြီး ကြည့်ရှုသူတွေကို မေးခွန်းတွေ ဆက်တိုက် မေးချင်လာအောင် လုပ်နိုင်ပါတယ်…။