ပြင်သစ်ရုပ်ရှင်တွေဆိုရင် အချစ်ကားတွေ၊ အနုပညာဆန်တဲ့ ဒရာမာကားတွေကိုပဲ ပြေးမြင်တတ်ကြပေမယ့် တကယ်တမ်း ပြင်သစ်ဟော်ရာ (New French Extremity) လှိုင်းက ကားတွေဟာဟောလိဝုဒ်က ထိတ်လန့်စရာကားတွေထက်တောင် ပိုပြီး အကြမ်းပတမ်းနိုင်သလို စိတ်ကို တော်တော်လေး ခြောက်ခြားစေပါတယ်။ အဲဒီအထဲကမှ ဒါရိုက်တာ Xavier Gens ရိုက်ကူးထားတဲ့"Frontier(s)" ဟာ သွေးသံရဲရဲနဲ့ အကြမ်းစား ဇာတ်ကွက်တွေကိုမှ ခံစားချင်တဲ့ အရွယ်ရောက်ပြီးသား ဟော်ရာ (Gore/Slasher) ပရိသတ်တွေအတွက်တော့ လုံးဝ လက်လွှတ်မခံသင့်တဲ့ကားတစ်ကားလို့ ပြောပါရစေ။ာတ်လမ်းက ပါရီမြို့မှာ လက်ယာစွန်းဝါဒီတွေ အာဏာရလာလို့ နိုင်ငံရေးအဓိကရုဏ်းတွေ အပြင်းအထန် ဖြစ်နေတဲ့အချိန်ကနေ စထားပါတယ်။ လူငယ်သူခိုးဂိုဏ်းလေးတစ်ခုဟာပိုက်ဆံတွေလုယက်ပြီး ရဲတွေဖမ်းမယ့်ရန်ကနေ လွတ်အောင် နယ်စပ်ဘက်ကို ဦးတည်ပြီး ထွက်ပြေးကြပါတယ်။ လမ်းခုလတ်မှာ အမောဖြေဖို့အတွက် ခေါင်ခိုက်နေတဲ့ တောတွင်း တည်းခိုခန်း(Hostel) အစွန်အဖျားလေးတစ်ခုမှာ ဝင်နားကြရာကနေ ဇာတ်လမ်းက အစပျိုးပါတယ်။သူတို့ရောက်သွားတဲ့ တည်းခိုခန်းပိုင်ရှင် မိသားစုက သာမန်လူတွေမဟုတ်ဘဲ အတိတ်က နာဇီအယူဝါဒတွေကို အသက်သွင်းချင်နေတဲ့ လူသားစား အစွန်းရောက် (Neo-Nazi) မိသားစုကြီးဖြစ်နေတဲ့အခါ... ဒီလူငယ်တွေ ငရဲခန်းလို နေရာကနေ ဘယ်လိုအသက်လု ထွက်ပြေးကြမလဲ၊ ရှင်သန်ရေးအတွက် ဘယ်လောက်ထိ ရုန်းကန်ရမလဲ ဆိုတာကို အသည်းယားစရာ ကြည့်ရှုရမှာပါ။Frontier(s) ဟာ စိတ်လှုပ်ရှားမှု အပြည့်နဲ့ အကြမ်းတပမ်း ရင်ခုန်ရမယ့် ဇာတ်ကားမျိုးကိုမှ ကြည့်ချင်တဲ့ အမာခံ ဟော်ရာပရိသတ်တွေအတွက်တော့ စိတ်ကျေနပ်မှု အပြည့်အဝပေးနိုင်မယ့်ဇာတ်ကားကောင်း တစ်ကားဖြစ်ပါတယ်။ လန့်စရာကောင်းရုံတင်မကဘူး၊ လူသားတွေရဲ့ ရက်စက်မှုက ဘယ်လောက်ထိ အောက်ခြေကျနိုင်လဲဆိုတာကို ရိုက်ပြသွားတဲ့ ဇာတ်ကားပါပဲ။