ဒီဇာတ်လမ်းမှာ Cass က San Francisco မှာနေတဲ့ non-binary အလုပ်သမားတစ်ယောက်ပါ။Cass က စားသောက်ဆိုင်စားပွဲထိုး၊ ကလေးထိန်း၊ ပါတီဆေးရောင်းဝယ်ရေးသမား စတဲ့ လုပ်ခနည်းတဲ့ အလုပ်လေးတွေကိုလုပ်ရင်း သူတို့ရဲ့တိုက်ခန်းကျဉ်းကျဉ်းလေးကို အိမ်လခပေးနိုင်ဖို့ကြိုးစားနေတဲ့သူပေါ့။တစ်ညမှာ Cass ရဲ့လုပ်ဖော်ကိုင်ဖက် Kalli နဲ့ ခဏတာချစ်ကြိုက်မိပြီး Kalli အလုပ်ရလို့ ငါးရက်ကြာ ထွက်သွားရမဲ့အချိန် သူ့ရဲ့ 11 အရွယ် သမီးလေး Ari ကို စောင့်ရှောက်ပေးဖို့ Cassက လက်ခံလိုက်တယ်။ဒါပေမဲ့ ရက်တွေကြာလာတဲ့အထိ Kalli ကို ဖုန်းဆက်လို့မရဘဲ သူပြန်မလာတော့တဲ့အချိန်မှာတော့ Cass နဲ့ Ari တို့ မမျှော်လင့်ထားတဲ့ သံယောဇဉ်တွေ တွယ်လာကြပါတယ်။ ဒီလိုနဲ့ ရုတ်တရက်ပေါ်လာတဲ့ အုပ်ထိန်းစောင့်ရှောက်ရမဲ့ တာဝန်ကြောင့် Cass တစ်ယောက် သူတို့ရဲ့အတိတ်က မဖြေရှင်းရသေးတဲ့ ငယ်ဘဝစိတ်ဒဏ်ရာတွေ၊ အစွန့်ပစ်ခံရမှာကြောက်စိတ်နဲ့နာကျင်မှုတွေကို ဘယ်လိုတွေရင်ဆိုင်ပြီး ကြံ့ကြံ့ခိုင်နိုင်ဖို့ ကြိုးစားမလဲဆိုတာကို ကြည့်ရှု့ရမှာပဲဖြစ်ပါတယ်။Cass ဇာတ်ကောင်နေရာမှာ Billions ( TV series) နဲ့ John Wick 3 တိုမှာ ပါဝင်တဲ့ Asia Kate Dillon က သရုပ်ဆောင်ထားပြီးတော့ သူကိုယ်တိုင်ကလည်း Non-binary တစ်ဦးဖြစ်တာမို့ဒီဇာတ်လမ်းက queer မိသားစုတွေရဲ့ နွေးထွေးမှု၊ ကိုယ်ရေးကိုယ်တာ အတွေ့အကြုံတွေ၊ ယနေ့ခေတ် လူ့အသိုင်းအဝိုင်းဆက်ဆံရေးတွေကိုပါ ပေါ်လွင်စွာတွေ့ရမှာပဲဖြစ်ပါတယ်။