The Chosen: Forbidden Cave HD

The Chosen: Forbidden Cave

Horror HD 2015-08-20 5.9 105 Min

ပုံမှန်လူတွေ မမြင်နိုင်မကြားနိုင်တဲ့အရာတွေကို မြင်နေကြားနေရင် အဲဒီလူက စိတ်ပိုင်းဆိုင်ရာအရတစ်ခုခု ချို့ယွင်းနေတာဖြစ်ချင်ဖြစ် ဒါမှမဟုတ် သဘာဝလွန်ကိစ္စတွေနဲ့ ဆက်နွယ်နေမိတဲ့သူပေါ့။ ဒါကိုတချို့က “နတ်ဝင်သည်ရောဂါ” လို့လည်းခေါ်ကြပါသေးတယ်။ နတ်ဝင်သည်ရောဂါဆိုတာက ကိုယ်ကနတ်ဝင်သည်မျိုးရိုးဖြစ်နေရင် အချိန်တန်ရင် ဒီအလုပ်ကို လုပ်ရမယ်ဆိုတာကို မမြင်အပ်တဲ့အရာတွေက လာလှုံ့ဆော်တာမျိုးပါ။ တချို့ကလည်းမျိုးရိုးမရှိဘဲနဲ့ ကိုယ့်တစ်ယောက်တည်း ထူးထူးဆန်းဆန်းတွေ ဖြစ်တာမျိုးလည်း ရှိတတ်ပါသေးတယ်။ အဲဒီလိုကံကြမ္မာကို ကိုယ်ကလက်မခံဘူးဆိုရင် ကိုယ့်ဘေးပတ်ဝန်းကျင်က လူတွေ ဒုက္ခရောက်တာမျိုး ကိုယ့်မှာလည်း မကောင်းတဲ့ကိစ္စတွေ အမျိုးမျိုးဖြစ်လာတာမျိုးပေါ့။ ဒီဇာတ်ကားထဲမှာလည်း “ရှင်းဂျင်မြောင်း” က စိတ်ရောဂါပညာရှင် ပါမောက္ခတစ်ဦးအနေနဲ့ရော ပယောဂဆရာတစ်ဦးအနေနဲ့ပါ လူတွေကိုကယ်တင်ပေးနေတဲ့သူပါ။ အဲဒီလိုနဲ့တစ်နေ့မှာ “ရှင်းဂျင်မြောင်း” နဲ့ နတ်ဝင်သည်ရောဂါခံစားနေရတယ်လို့သံသယရှိတဲ့ “ဂင်ဂွန်းဂျူ” တို့ ဆုံဖြစ်သွားပါတယ်။ အစပိုင်းမှာတော့ “ဂင်ဂွန်းဂျူ” တွေ့ကြုံနေရတဲ့ အဖြစ်ဆိုးတွေက နတ်ဝင်သည်လုပ်လိုက်ရုံနဲ့ ပြီးသွားမဲ့အရာတွေလို့ထင်ထားပေမဲ့ တကယ်တမ်းကျ အဲဒီလိုမဟုတ်ဘဲ မျိုးရိုးစဥ်ဆက် အမွေဆက်ခံနေရတဲ့ ကျိန်စာဆိုးကြီးတစ်ခုဖြစ်နေတဲ့အခါမှာ....သည်းထိတ်ရင်ဖိုဇာတ်ကားတွေကိုမှ ကြိုက်နှစ်သက်ပါတယ်ဆိုတဲ့သူတွေအတွက် ကားအဟောင်းလေးတွေထဲက ကားကောင်းလေးတစ်ကားဖြစ်တဲ့ ဒီဇာတ်ကားလေးကိုတင်ဆက်ပေးလိုက်ပါတယ်။