Amazon Prime Video ကနေ ထွက်ရှိထားတဲ့ အီတလီအချစ်ဟာသ ရုပ်ရှင်အသစ်ဖြစ်ပြီး ၂၀၂၄ ခုနှစ်က ထွက်ရှိခဲ့တဲ့ Pensati Sexy ရုပ်ရှင်ရဲ့ အဆက်ပါ။မက်ဒါလီနာ ဟာ လွန်ခဲ့တဲ့ သုံးနှစ်က သူမရဲ့ တစ်ကိုယ်ရည်ဆွဲဆောင်မှုတွေကို လမ်းညွှန်ပြသပေးခဲ့တဲ့ "စိတ်ဝိညာဉ်လမ်းပြတစ်ယောက်နဲ့ တွေ့ဆုံပြီးနောက် ဘဝမှာ အောင်မြင်မှုတွေရလာခဲ့ပါတယ်။ သူမဟာ အခုဆိုရင် အချစ်ရေးရော Career မှာပါ အားလုံးပြီးပြည့်စုံနေပြီလို့ ထင်မှတ်ထားခဲ့တာပါ။ဒါပေမဲ့ ဒီလမ်းပြဖြစ်သူ ဗလင်တီးနားတစ်ကျော့ပြန် ရုတ်တရက် ပြန်လည်ပေါ်ပေါက်လာတဲ့အခါ မက်ဒါလီနာ့ရဲ့ တည်ငြိမ်မှုတွေ တစ်စစီ ပြိုကွဲပြီး မေးခွန်းထုတ်စရာတွေ ဖြစ်လာပါတော့တယ်။လက်ရှိချစ်သူ ဗန်နီနဲ့ အဆင်ပြေနေပေမဲ့ 'ဘရူနိုဆိုတဲ့ အမျိုးသားတစ်ယောက် ထပ်မံရောက်ရှိလာတဲ့အခါမှာတော့ လောကမှာ ပြီးပြည့်စုံတဲ့ အိမ်ထောင်ဖက်ဆိုတာ တကယ်ပဲ ရှိရဲ့လားဆိုတာကို မက်ဒါလီနာတစ်ယောက် သံသယတွေဝင်ပြီး စိတ်ကူးသစ်၊ အမြင်သစ်တွေနဲ့ ဘဝကို ပေါ့ပေါ့ပါးပါး ရွေးချယ်တတ်ဖို့ ကြိုးစားရပုံကို ရိုက်ကူးထားတဲ့ ရိုမန်တစ်ဟာသကား ဖြစ်ပါတယ်။