နိုင်ငံတကာရဲ့ ပိတ်ဆို့အရေးယူမှုတွေကြောင့် စီးပွားရေးအကျပ်အတည်းနဲ့ ရင်ဆိုင်နေရတဲ့ မြောက်ကိုရီးယားဟာ NGO ဘက်ကပေးတဲ့ ထောက်ပံ့ကြေး ဒေါ်လာ သိန်း ၂,၀၀၀ ကို ရနိုင်ဖို့အတွက် ခရစ်ယာန်ဂီတအဖွဲ့ကို ဟန်ဆောင်ဖွဲ့စည်းရဖို့ အကြောင်းဖန်လာခဲ့ပါတယ်။ ဘာသာရေး ကိုးကွယ်ယုံကြည်မှုအပေါ် ပြင်းပြင်းထန်ထန် ဖိနှိပ်ထားတဲ့ ဒီနိုင်ငံမှာမှ အတုအယောင် ခရစ်ယာန်ဂီတအဖွဲ့ကို ဦးဆောင်ဖွဲ့စည်းဖို့ တာဝန်ပေးခံလိုက်ရသူကတော့ ယေရှုနောက်လိုက်တွေကို ဖမ်းဆီးအရေးယူနေတဲ့ နိုင်ငံတော်လုံခြုံရေးဌာနက ဗိုလ်မှူး ဘတ်ဂယိုဆွန်း (Park Si-Hoo) ပါ။ ဒါပေမဲ့ ဖြစ်ချင်တော့ သူ ရွေးချယ်လိုက်တဲ့ တီးဝိုင်းက အမျိုးသားအဆိုရှင်လည်း မရှိကျန်အဖွဲ့ဝင်တွေကလည်း ပြဿနာကိုယ်စီ ရှိနေကြတဲ့အခါ...အလွဲလေးတွေနဲ့ ဗိုလ်မှူးဘတ်တို့ရဲ့ တီးဝိုင်းက ချီးမွမ်းတေးတွေကို အကြိမ်ကြိမ် လေ့ကျင့်သီဆိုရင်း သူတို့ရဲ့ စိတ်နှလုံးမှာ ဘယ်လို အပြောင်းအလဲလေးတွေ ဖြစ်ပေါ်လာမလဲ...တီးဝိုင်းအဖွဲ့ဝင်တွေကြားက နွေးထွေးတဲ့ သံယောဇဉ်ကို လှလှပပ ပုံဖော်ထားတာဖြစ်လို့ ခရစ်ယာန်ဘာသာဝင်များသာမက လူသားဆန်တဲ့ မေတ္တာတရားကို မြတ်နိုးသူတိုင်း မဖြစ်မနေကို ကြည့်ရှုသင့်တဲ့ ကားကောင်းလေးလို့ ညွှန်းဆိုပေးလိုက်ပါတယ်။