ခရမ်းချဉ်သီးတစ်ရာအပြည့်ရထားတဲ့ စပိန်ကားလေးပါ။ စပိန်တွေက အင်တာကိုအဓိကပေါက်တာက ဒရာမာတွေများတတ်တော့ ဒီတစ်ခါလည်း ဒရာမာကားပါပဲ။ IMDb ကတော့ 7.3/10 ရထားပါတယ်။ ဇာတ်ကတော့ မိသားစုဒရာမာကိုမှ နှစ်ထပ်ကွမ်းမိသားစု ဒရာမာပါပဲ။ မနှစ်က ပင်နလိုပီခရုဇ် ရိုက်တဲ့ အော်စကာဆန်ခါတင်ဝင် မိသားစုဒရာမာနဲ့တောင်ဆင်ပါတယ်။ မိန်းမတစ်ယောက်ရဲ့ ကိုယ့်အမေရယ် ကိုယ့်သမီးရယ်နဲ့ကြားက အတွေ့အကြုံတွေပေါ့။ ကြွေးသစ်ချပေးတာတို့ ကြွေးဟောင်းဆပ်တာ ဘာဘာညာညာတို့ပေါ့။ ကလေးရလာတဲ့အခါ မိဘတွေရဲ့ စိတ်ကို နားလည်လာမလည်လာ ဘာဘာညာညာရောပေါ့။ နောက် အိုမင်းမစွမ်းတော့တဲ့ မိဘတွေရဲ့ သားသမီးအပေါ် ပေးဆပ်ချင်စိတ်ကျန်နေခြင်းတွေ ဘာညာဘာညာနဲ့ မိသားစုဒရာမာကို မိသားစုဒရာမာပြန်ဆင့်ထားတဲ့ ရိတ်တင်အမြင့်စားနဲ့ စပိန်ဒရာမာကားကောင်းလေးပါပဲ။