အားကစားလေ့ကျင့်ရေး ကျောင်းအိပ်ကျောင်းတစ်ခုမှာ ထူးချွန်ပြီး အလားအလာရှိတဲ့ လူငယ်လက်ဝှေ့ချန်ပီယံလေး ကာမီလ်တစ်ယောက် သေလုမျောပါး အက်ဆီးဒင့်တစ်ခုကနေသူ့ရဲ့အချစ်ဆုံးသူငယ်ချင်း မက်တီယို ရဲ့ ကယ်တင်မှုကြောင့် သီသီလေး လွတ်မြောက်ခဲ့ပါတယ်။ ဆရာဝန်တွေက သူ့ဒဏ်ရာတွေ ပျောက်ကင်းသွားပြီလို့ သတ်မှတ်ခဲ့ကြပေမဲ့ ကာမီလ် ရဲ့စိတ်နဲ့ခန္ဓာကိုယ်ထဲမှာတော့ အကြောင်းပြချက်ရှာမရတဲ့ နာကျင်မှုဝေဒနာတစ်ခုက တဖြည်းဖြည်း ကြီးစိုးလာခဲ့ပါတယ်။ဒီဝေဒနာဟာ သူ့ရဲ့အနာဂတ် လက်ဝှေ့အိပ်မက်တွေကို ခြိမ်းခြောက်လာသလို အမြဲတစေ တွဲဖက်လာခဲ့တဲ့ သူငယ်ချင်း မက်တီယို နဲ့ သံယောဇဉ်အကြိုးကိုလည်း စိမ်းကားလာစေပါတယ်။ယောက်ျားသားတွေပဲရှိပြီး အရှုံးနဲ့ အားနည်းချက်ကို လက်မခံတဲ့ လက်ဝှေ့လောကထဲမှာ လူငယ်တစ်ယောက်ရဲ့ စိတ်ဒဏ်ရာ၊ မျှော်လင့်ချက် ပျက်သုဉ်းမှုနဲ့ သူငယ်ချင်းအကြားသံယောဇဉ်ကိုရိုက်ကူးထားတာဖြစ်ပါတယ်။