National Geographic Channelမှာ ဓာတ်ပုံဆရာလုပ်နေတဲ့ ဆူရ်ယာတယောက်ရှားပါးငှက်တမျိုးကို ဓာတ်ပုံရိုက်ဖို့ရာ သူ့ဦးလေးရှိတဲ့ တောင်တန်းဒေသဆီ ရောက်လာခဲ့ပါတယ်။သူ ဓာတ်ပုံရိုက်မယ့် ငှက်အမျိုးအစားရှိတဲ့နေရာကို မေးမြန်းရင်းကနေငှက်တွေနဲ့ ရင်းနှီးကျွမ်းဝင်လွန်းလှတဲ့ ချာရူဆိုတဲ့ မိန်းမပျိုလေးနဲ့တွေ့သွားခဲ့ပါတယ်။ချာရူဆိုတာ သူ့စိတ်ဆန္ဒမပါဘဲ အဒေါ်ဖြစ်သူက သူသဘောတူတဲ့လူနဲ့ပေးစားဖို့ အတင်းအကျပ်စီမံခံနေရတဲ့ မိဘမဲ့အမျိုးသမီးငယ်လေးပေါ့။ဒါနဲ့ပဲ ချာရူတယောက် သဘောမကျတဲ့လူနဲ့ လက်မထပ်ရဖို့အရေး ဓာတ်ပုံဆရာဆီမှာ သူချစ်မိဖူးတဲ့သူကိုရှာပေးဖို့ အကူအညီတောင်းပါတော့တယ်။နာမည်နဲ့ အလုပ်အကိုင်ကလွဲရင် နေရပ်လိပ်စာအတိအကျမသိရတဲ့သူကို ဆူရ်ယာတယောက်ရှာပေးရင်းကချာရူအပေါ် ချစ်မိရာကနေ ချာရူတယောက် မနာကျင်ရစေဖို့ လိမ်ညာမိတဲ့အခါမှာတော့...။