၂၀၂၂ မှာထွက်ခဲ့တဲ့ Battle for Pandora (2022) ရဲ့တိုက်ရိုက်အဆက်ဖြစ်ပါတယ်။ ဒီဇာတ်လမ်းကိုတော့ ပထမဇာတ်ကားက အဖြစ်အပျက်တွေအပြီး အနှစ် တစ်ရာမှာ အခြေခံထားတာပါ။စနေဂြိုလ်ရဲ့လတစ်စင်းဖြစ်တဲ့ ပန်ဒိုရာဂြိုလ်ပေါ်မှာကျန်နေတဲ့ နောက်ဆုံးသယံဇာတတွေ ထုတ်ယူဖို့အာကာသသုသေသန အဖွဲ့တစ်ဖွဲ့ကိုကမ္ဘာမြေက စေလွှတ်ခဲ့ပါတယ်။အဲ့ဒီလပေါ်ရောက်ချိန်မှာတော့ အာကာသယာဉ်မှူးတွေဟာ အရင်တုန်းက သူတို့ကိုသွားနူိးဆွခဲ့တာကြောင့် နိုးထလာခဲ့တဲ့အလွန်အဆင့်မြင့်တဲ့ ဂြိုလ်သားမျိုးစိတ်တွေဟာ ကမ္ဘာဂြိုလ်ကိုအမြစ်ဖြတ်သုတ်သင်ဖို့အကြီးအကျယ်တုန့်ပြန်တိုက်ခိုက်ရေးပြင်ဆင်နေကြတာကိုသိလိုက်ရပါတယ်။ ပိုပြီးထိတ်လန့်စရာကောင်းတာကတော့ ဒီဂြိုလ်သားတွေက အချင်းချင်း စိတ်ကွန်ယက်တစ်ခုတည်းနဲ့ချိတ်ဆက်ထားတဲ့ အခြေခံ မှိုပိုး သတ္တဝါအမျိုးအစားဖြစ်နေတာပါပဲ။ သူတို့ဟာလူတွေရဲ့ခန္ဓာကိုယ်ထဲ စိမ့်ဝင်စီးနင်းနိုင်ပြီးလူတွေရဲ့အသိဉာဏ်ကိုယူရင်း အချင်းချင်းလှည့်စားသတ်ဖြတ်အောင်စွမ်းဆောင်နိုင်ပါတယ်။ အဲ့ဒီအစွမ်းနဲ့ သူတို့ရဲ့ခေတ်ရှေ့ပြေးနည်းပညာနဲ့ပေါင်းစပ်လိုက်တဲ့အခါမှာတော့ သူတို့ထက်စာရင် အဆပေါင်းများစွာ နည်းပညာနောက်ကျပြီး အင်အားနည်းတဲ့သတ္တဝါတွေဖြစ်တဲ့လူသားတွေဟာ ဘယ်လိုနည်းပရိယာယ်မျိုးနဲ့ယှဉ်ပြိုင်အနိုင်ယူရမလဲဆိုတာကိုရှုစားရမှာပါ။