ရုပ်ရှင်ကို အရူးအမူးချစ်မြတ်နိုးပြီး ဆန်းသစ်တဲ့လက်ရာတစ်ခု ဖန်တီးချင်နေတဲ့ ရုပ်ရှင်ဒါရိုက်တာတစ်ဦးအကြောင်းကနေ စတင်ထားပါတယ်။ သူဟာ ၁၉၇၀ ပြည့်လွန်နှစ်တွေတုန်းကအီတလီနိုင်ငံ ရောမမြို့မှာ အလွန်ခေတ်စားပြီး နာမည်ကြီးလှတဲ့ ဂုဏ်သရေရှိ အဝတ်အထည်ဒီဇိုင်းစတူဒီယိုကြီးတစ်ခုရဲ့ အကြောင်းကို ရုပ်ရှင်အဖြစ် ပြန်လည်ရိုက်ကူးဖို့ စိတ်ကူးရှိခဲ့တယ်။ အဆိုပါ အဝတ်အထည်လုပ်ငန်းနောက်ကွယ်မှာ... ဒီဇိုင်နာတွေ၊ သုံးစွဲသူ အထက်တန်းလွှာတွေနဲ့ အမျိုးသမီးတွေကြားထဲက မနာလိုဝန်တိုမှုတွေ၊ ချစ်ခြင်း၊ မုန်းခြင်းနဲ့ ဘဝရဲ့ စိတ်ဝင်စားစရာအနိမ့်အမြင့် အလှည့်အပြောင်းတွေ ပြည့်နှက်နေခဲ့တာပါ။ဒီရုပ်ရှင်ကို အသက်ဝင်လာစေဖို့အတွက် ဒါရိုက်တာဟာ... သူနဲ့ခေတ်ပြိုင်လောကမှာရှိတဲ့၊ သူအချစ်ဆုံးနဲ့ အလေးစားဆုံးဖြစ်တဲ့ ထိပ်တန်းစူပါမင်းသမီးကြီးတွေအားလုံးကိုရိုက်ကူးရေးစတူဒီယိုထဲကို တစ်ပြိုင်နက်တည်း ဖိတ်ခေါ်စုစည်းလိုက်ပါတော့တယ် ။ ရုပ်ရှင်ထဲက ဇာတ်ကောင်တွေကို ပုံဖော်ရင်းနဲ့... တစ်ဖက်မှာလည်း လက်တွေ့ဘဝက မင်းသမီးကြီးတွေကြားထဲက အားပြိုင်မှုတွေ၊ အနုပညာအပေါ် ထားရှိတဲ့ ခံယူချက်တွေနဲ့ ဒါရိုက်တာရဲ့ရုပ်ရှင်ဖန်တီးမှု စိန်ခေါ်မှုတွေကို "ရုပ်ရှင်ထဲက ရုပ်ရှင်" စတိုင်နဲ့ ရိုက်ပြထားပါတယ်။