ဒီကားလေးကတော့ ပရိသတ်အကြိုက်တွေ့ခဲ့တဲ့ ဂျပန်သည်းထိတ်ရင်ဖို သဘာဝလွန်ရုပ်ရှင် Kisaragi Station (2022)ဇာတ်ကားရဲ့ အဆက်ပဲဖြစ်ပါတယ်။ ကီဆာရာဂီဘူတာကနေ မူရင်းကမ္ဘာကို ပြန်လာနိုင်ခဲ့တဲ့ အာဆုကာဟာ ကီဆာရာဂီဘူတာရဲ့ လောကကြီးအကြောင်းကို လူတွေအားလုံးကို သိစေချင်တဲ့အတွက် မှတ်တမ်းရုပ်ရှင်ရိုက်ကူးတဲ့ကာတိုနာကာဆီကို သွားရောက်ကာ သူ့အဖြစ်အပျက်တွေအကုန်လုံးကို ပြောပြခဲ့ပါတယ်။ သို့ပေမဲ့ လူတွေရဲ့ တုံ့ပြန်မှုကြောင့် ဒီအကြောင်းကို ရုပ်သံလွှင့်ဖို့ မဖြစ်နိုင်ခဲ့ပါဘူး။ ဒီလိုနဲ့ အာဆုကာတစ်ယောက် ကီဆာရာဂီဘူတာကို ပြန်လည်သွားရောက်နိုင်မဲ့ နည်းလမ်းကို ရှာဖွေကာ ထပ်မံသွားရောက်ဖို့ ဆုံးဖြတ်ခဲ့ပါတော့တယ်။ ဒီလို သွားရောက်နိုင်ခဲ့တဲ့အချိန်မှာတော့ အာဆုကာကို မူလကမ္ဘာသို့ ပြန်နိုင်အောင် ကူညီပေးခဲ့တဲ့ ဆူဆွတ်မီနဲ့ ပြန်လည်တွေ့ဆုံပြီး ဆူဆွတ်မီနဲ့အတူ ကီဆာရာဂီဘူတာမှာ ပိတ်မိနေတဲ့တခြားသူတွေကို လွတ်မြောက်အောင်ကူညီဖို့ ကြိုးစားခဲ့တဲ့အခါမှာတော့ .........ဒီဘူတာကို ဒုတိယအကြိမ်ပြန်သွားတဲ့အချိန်မှာ ဘာတွေ ဘယ်လို တွေ့ကြုံရမလဲ ဆိုတာကိုတော့ ပရိသတ်ကြီး ခံစားကြည့်ရှုပေးပါဦး။