လူတိုင်း မမြင်နိုင်တဲ့ လောကတစ်ခု ရှိနေတယ်ဆိုရင်ရော... အဲဒီလောကက မကောင်းဆိုးဝါးတွေက သင့်ဘေးမှာ အမြဲရှိနေရင် သင် ယုံနိုင်မလား...ဒီဇာတ်ကားလေးဟာ ၂၀၂၀ ခုနှစ်ကထွက်ရှိထားပြီး ဒါရိုက်တာ Huang Zhiheng ရိုက်ကူးထားတဲ့ စိတ်ကူးယဉ်အက်ရှင်ရုပ်ရှင်တစ်ကား ဖြစ်ပြီး Shawn Yue၊ Chun Xia၊ Kara Hui နဲ့ Tu Men တို့ကအဓိကပါဝင်သရုပ်ဆောင်ထားကြပါတယ်ဇာတ်လမ်းလေးကတော့ ငယ်စဉ်ကတည်းက မကောင်းဆိုးဝါးတွေကို မြင်နိုင်တဲ့ ကျိမော့ဆိုတဲ့ မိန်းကလေးတစ်ယောက်ဟာ လူတိုင်းက သူမကို စိတ်ရောဂါရှိသူလို့ ထင်မြင်ကြပြီး အမေလည်း ပျောက်ဆုံးသွားတဲ့နောက် သူမဟာ တစ်ယောက်တည်း ဘဝကို ရုန်းကန်နေခဲ့ရပါတယ်ဒါပေမဲ့ သူမမြင်နေတဲ့ မကောင်းဆိုးဝါးတွေကတော့ တကယ်ရှိနေပြီး လူသားတွေရဲ့ အသက်အန္တရာယ်ကို အချိန်မရွေး ခြိမ်းခြောက်နေကြပါတယ်တစ်နေ့မှာတော့ မကောင်းဆိုးဝါးဖမ်းတဲ့မုဆိုးတစ်ယောက်ဖြစ်တဲ့ မုန်ကျားနဲ့ ဆုံတွေ့ရာကနေ ကျိမော့ရဲ့ ဘဝဟာ လုံးဝပြောင်းလဲသွားပါတော့တယ်သူတို့နှစ်ယောက်ဟာ လူ့လောကကို ကာကွယ်ဖို့ အင်အားကြီးမကောင်းဆိုးဝါးတွေနဲ့ ရင်ဆိုင်ရင်း ကျိမော့ရဲ့ ထူးခြားတဲ့ စွမ်းအားနောက်ကွယ်က လျှို့ဝှက်ချက်တွေကိုလည်း တဖြည်းဖြည်းဖော်ထုတ်လာကြပါတယ်တိုက်ပွဲတွေ ပိုမိုပြင်းထန်လာတာနဲ့အမျှ ကျိမော့ဟာ သာမန်လူတစ်ယောက်အဖြစ် နေထိုင်ချင်တဲ့ ဆန္ဒနဲ့ ကိုယ့်ရဲ့ကံကြမ္မာကို လက်ခံရမဲ့ တာဝန်ကြားမှာ ခက်ခဲတဲ့ ရွေးချယ်မှုကို ရင်ဆိုင်ရပါတော့တယ်တစ်ဖက်မှာလည်း လူသားတွေနဲ့ မကောင်းဆိုးဝါးတွေကြား နှစ်ပေါင်းများစွာ ဖုံးကွယ်ထားတဲ့ အမှန်တရားဟာလည်း ပေါ်ထွက်လာပါတယ်နောက်ဆုံးမှာတော့ ကျိမော့ဟာ လူ့လောကကို ကယ်တင်နိုင်ပါ့မလား ဒါမှမဟုတ် သူမရဲ့ ကံကြမ္မာကိုပဲ လက်ခံရတော့မလားဆိုတာကိုတော့ ဒီဇာတ်ကားလေးထဲမှာဆက်လက်ကြည့်ရှုခံစားလိုက်ကြရအောင်