The Souffleur FHD

The Souffleur

Drama FHD 2026-02-13 7 78 Min

မင်းသားကြီး Willem Dafoe ပါဝင်ထားပြီး ဥရောပရဲ့ သမိုင်းဝင် အနုပညာမြို့တော်ဖြစ်တဲ့ ဗီယင်နာရှိ သမိုင်းဝင်ဟိုတယ်ဟောင်းကြီးတစ်ခုကို ဖြိုချဖျက်ဆီးပစ်ဖို့ ကြံစည်နေတဲ့အိမ်ခြံမြေသူဌေးကြီးရဲ့ လက်ထဲကနေ... ဟိုတယ်ကို အသက်ထက်မြတ်နိုးတဲ့ မန်နေဂျာကြီးက ဘယ်လိုမျိုး ကာကွယ်စောင့်ရှောက်သွားမလဲဆိုတာကို ရိုက်ကူးထားတဲ့ရုပ်ရှင်ဖြစ်ပါတယ်ဇာတ်လမ်းကတော့ သြစတြီးယားနိုင်ငံ ဗီယင်နာမြို့ရဲ့ ဗဟိုအရပ်မှာ တည်ရှိပြီး ရှေးဟောင်းယဉ်ကျေးမှု အငွေ့အသက်တွေ၊ အနုပညာလက်ရာတွေ ပြည့်နှက်နေတဲ့ ဟိုတယ်ကြီးတစ်ခုရဲ့ဝါရင့်မန်နေဂျာကြီး "လူရှပ်စ် ဂလန့်ဇ်" (Willem Dafoe) အကြောင်းကနေ စတင်ထားပါတယ်။ လူရှပ်စ်အတွက် ဒီဟိုတယ်ကြီးဟာ သာမန်အလုပ်အကိုင်တစ်ခု မဟုတ်ဘဲ သူ့ရဲ့ ဘဝတစ်ခုလုံးမြှုပ်နှံထားတဲ့ နေရာတစ်ခု ဖြစ်ပါတယ်။ဒါပေမဲ့ အမြတ်အစွန်းတွေကိုပဲ ကြည့်တတ်ပြီး အဆောက်အဦးသစ်တွေ ဆောက်လုပ်ချင်နေတဲ့ လောဘသမား အိမ်ခြံမြေသူဌေးတစ်ဦးက ထိုဟိုတယ်ကြီးကို ဝယ်ယူပြီး အစအနမကျန်ဖြိုချဖျက်ဆီးပစ်ဖို့ လျှို့ဝှက်စီမံကိန်း ရေးဆွဲလာတဲ့အခါမှာတော့ အရာရာ ပြောင်းလဲသွားပါတော့တယ်။ လူရှပ်စ်ဟာ ချစ်ရတဲ့ ဟိုတယ်ကြီးကို ကာကွယ်ဖို့အတွက် နည်းလမ်းမျိုးစုံနဲ့ထိုသူဌေးကြီးကို ရင်ဆိုင်ပါတော့တယ်။ ဒီလိုမျိုး နှစ်ဦးကြားက ပြင်းထန်လှတဲ့  အားပြိုင်မှုတွေဟာ ဟိုတယ်ရဲ့ လုပ်ငန်းဆောင်တာတွေတင်မကဘဲ... အဆိုပါ ဟိုတယ်ကြီးရဲ့ ကမ္ဘာကျော်နာမည်ကြီးလှတဲ့ ပြင်သစ်ရိုးရာ "ဆူဖလေ" (Soufflé) အချိုပွဲ လျှို့ဝှက်ချက် ဖော်မြူလာနည်းစနစ်အပေါ်အထိပါ သက်ရောက်လှုပ်ခတ်လာပါတော့တယ်။ လူရှပ်စ်တစ်ယောက် အနုပညာနဲ့သမိုင်းအမွေအနှစ်တွေကို စီးပွားရေးလောဘသားတွေ လက်ထဲကနေ ဘယ်လိုမျိုး ထိန်းသိမ်းစောင့်ရှောက်သွားမလဲဆိုတာကို  ရှုစားရမှာ ဖြစ်ပါတယ်။