ဇာတ်လမ်းအကျဉ်းကတော့ ဒုတိယကမ္ဘာစစ် ဖြစ်ပွားနေတဲ့ကာလမှာ အမေရိကန်နဲ့ ဂျာမန်တွေ တစ်ဖက်တစ်ချက်စီ ခြေကုပ်ယူထားတဲ့ စစ်မြေပြင်မှာ စစ်အင်ဂျင်နီယာဗိုလ်မှူးဟာတပ်ရင်းတစ်ခုနဲ့အတူ မိုင်းထောင်ဖို့၊ အတားအဆီးတွေ ချဖို့အတွက် ထွက်လာခဲ့ပါတယ်။အဲဒီအချိန်မှာ ဂျာမန်ဖက်က နာဇီစနိုက်ပါတွေက သူတို့အဖွဲ့ကို ရှင်းထုတ်ပစ်ဖို့ ကြိုးစားခဲ့ရာကနေ သူတို့တပ်ရင်းမှာ သူ့တစ်ယောက်ပဲ အသက်ရှင်ကျန်ရစ်ခဲ့ပါတယ်။ ဒီလိုနဲ့ သူဟာ အနီးဆုံးတပ်ရင်းကို ဆက်သွယ်တဲ့အခါမှာ ရန်သူနာဇီတွေ သိမ်းထားတဲ့နယ်မြေထဲကနေ ဖြတ်ပြီးမှ အဲဒီတပ်ရင်းကို ရောက်ရှိနိုင်မယ်မှန်း သိလိုက်ရပါတယ်။ဒီတော့ သူ့အနေနဲ့ ရေဒီယိုတစ်လုံးနဲ့ သေနတ်တစ်လက်နဲ့ ဒဏ်ရာသွေးစက်လက်နဲ့ ဘယ်လိုဖြတ်ကျော်မလဲဆိုတာကို စိတ်လှုပ်ရှားဖွယ် ကြည့်ရှုရမှာဖြစ်ပါတယ်။