အမျိုးသမီးတွေရဲ့ဘဝကို ထင်ဟပ်ပြနေပြီး ဖြစ်ရပ်မှန်ကိုအခြေခံထားတဲ့ တမီလ်စကားပြော မိသားစုဒရာမာရုပ်ရှင်ကောင်းလေးကိုတင်ဆက်ပေးလိုက်ပါတယ်။ဆဲလ်ဗီဟာ အကြောင်းတခုကြောင့် ခင်ပွန်းဖြစ်သူကို ဆုံးရှုံးလိုက်ရတဲ့ ကျေးလက်နေ မုဆိုးမတယောက်ဖြစ်ပါတယ်။ သူဟာ ကျန်ရစ်ခဲ့တဲ့ သူ့သားနှစ်ယောက် သာယာတဲ့အနာဂတ်ရရှိစေဖို့ အလုပ်တွေကြိုးစားပြီး တစ်ယောက်တည်း ရုန်းကန်ပြုစုပျိုးထောင်ခဲ့ပေမဲ့ တစ်ကိုယ်တည်းဖြစ်နေတဲ့ မုဆိုးမဖြစ်တာကြောင့် ပတ်ဝန်းကျင်ရဲ့ နှိမ်ချမှုနဲ့ အခက်အခဲပေါင်းစုံကို ခါးစည်းခံခဲ့ရပါတယ်။နှစ်တွေကြာလို့ နောက်အိမ်ထောင်ပြုဖို့စဉ်းစားတော့လည်း သားကြီးဖြစ်သူက ကန့်ကွက်ပြီး အိမ်က ထွက်သွားခဲ့တာကြောင့် မိသားစုကြား အက်ကြောင်းထင်ခဲ့ရပါတယ်။ နောက်ပိုင်းမှာတော့ သားကြီးဖြစ်သူလည်း မိခင်ရဲ့ နှစ်ပေါင်းများစွာ ရုန်းကန်မှု၊ အထီးကျန်မှုတွေကို နားလည်လာတာကြောင့် မိခင်ကို နောက်အိမ်ထောင်ချပေးဖို့ ကြိုးစားတဲ့အခါ ရှေးရိုးစွဲ ကျေးလက်အသိုင်းအဝိုင်းနဲ့ မိသားစုရဲ့ လက်ခံနိုင်စွမ်းကို ရင်ဆိုင်စိန်ခေါ်ဖို့ဖြစ်လာခဲ့ပါတယ်။