ဂျက်ဆီဟာ သူ့မိဘဘိုးဘွားတွေ ပိုင်ခဲ့တဲ့ ရှေးဟောင်းအိမ်ကြီးတစ်လုံးကို အမွေရလို့ သူ့သူငယ်ချင်းတွေနဲ့အတူ ပြောင်းနေခဲ့ပါတယ်။ အိမ်ကြီးကိုစူးစမ်းရင်းလွန်ခဲ့တဲ့ နှစ် ၇၀ ကျော်ကသေသွားပြီလို့ထင်ခဲ့တဲ့ သူ့အဘေးဖြစ်သူ ကောင်းဘွိုင်အဘိုးကြီးကို မြေကြီးထဲကနေအသက်ရှင်ရက် တူးဖော်မိခဲ့ပါတယ်။ အဘိုးကြီးအသက်ရှည်နေတာ လျှို့ဝှက်ဆန်းကြယ်တဲ့ မှော်ဦးခေါင်းခွံတစ်ခုကြောင့်ဖြစ်ပြီး အဲ့ဒီဦးခေါင်းခွံကြောင့်ပဲ အိမ်ကြီးရဲ့အခန်းတစ်ခါးတွေဟာ တစ်ခြား ကမ္ဘာတွေကိုရောက်သွားနိုင်တဲ့Portal တွေဖြစ်နေပါတော့တယ်။ အဲ့ဒီမှာပဲ မှော်ခေါင်းခွံကိုလိုချင်ကြတဲ့ တစ်ခြားကမ္ဘာက တစ္ဆေသရဲတွေ ရှေးဟောင်းလူသားတွေနဲ့ ဒိုင်နိုဆောတွေပါ အိမ်ထဲမှာ ဂျက်ဆီတို့နဲ့တိုက်ပွဲဆင်ရပါတော့တယ်။ပထမကားထက်စာရင် ပိုပေါ့ပါးပြီး ဟာသဘက်ကိုပိုရောက်ပါတယ်။ ထုံးစံအတိုင်း သူတို့ခေတ်အခါမှာပြောင်မြောက်လှတဲ့ Practical Effects တွေကိုတွေ့မြင်ရပါလိမ့်မယ်။ကျောက်ခေတ်သတ္တဝါဆန်းကြီးတွေကို ဖန်တီးထားတဲ့ Stop-Motion ရိုက်ချက်တွေ၊ ခွေးတစ်ပိုင်းခူကောင်တစ်ပိုင်းသတ္တဝါလေးကို လက်ရုပ်သေးနဲ့Animatronicsစနစ်ကိုပေါင်းစပ်ဖန်တီးခဲ့တာတွေဟာ အခုချိန်ထိစံနမူနာ ဖန်တီးမှုတွေဖြစ်နေပါသေးတယ်။