ဒါရိုက်တာ Georgia Bernstein ရဲ့ ပွဲထွက်ရုပ်ရှင်ဖြစ်ပြီး အနုပညာဆန်ဆန်၊ စိတ်ပညာနဲ့ ရာဂနှောတဲ့ သည်းထိတ်ရင်ဖို (Psychosexual Erotic Thriller) အမျိုးအစား ရုပ်ရှင်ဖြစ်ပါတယ်။ဇာတ်လမ်းရဲ့ အဓိကဇာတ်ကောင် အီလီနီ (Eleni) ဆိုတဲ့ မိန်းကလေးဟာ အဆင့်မြင့် သက်ကြီးရွယ်အို စောင့်ရှောက်ရေးစခန်းတစ်ခုမှာ ညဘက်သူနာပြု (Night Nurse) အဖြစ်အလုပ်စဝင်ပါတယ်။ အဲဒီမှာတင် အဘိုးအဘွားတွေကို ပစ်မှတ်ထားပြီး အသံအတုတွေနဲ့ တိုက်ခိုက်နေတဲ့ ထူးဆန်းလှတဲ့ ဖုန်းလိမ်ညာမှု (Scam calls) တွေကို ကြုံတွေ့ရပြီး ဇာတ်လမ်းကစတင်လာတာပါ။အဲဒီနေရာရဲ့ ထူးဆန်းတဲ့ အငွေ့အသက်တွေကြားထဲ အီလီနီဟာ ဒေါက်ဂလပ်စ် (Douglas) ဆိုတဲ့ လျှို့ဝှက်ဆန်းကြယ် လူနာအဘိုးကြီးနဲ့ ရင်းနှီးသွားပါတယ်။ ကြာလာတာနဲ့အမျှသူတို့နှစ်ယောက်ကြားက ဆက်ဆံရေးဟာ ရိုးရိုးသူနာပြုနဲ့ လူနာအဆင့်ထက် ကျော်လွန်ပြီး ရူးရူးမူးမူးစွဲလမ်းမှုတွေအဖြစ် ပြောင်းလဲသွားပါတယ်။လူနာကို ပြုစုစောင့်ရှောက်တာလား၊ ကိုယ်တိုင်က စိတ္တဇဆန်ဆန် ရူးသွပ်စွဲလမ်းနေတာလားဆိုတာ မသဲကွဲတော့ဘဲ ဖုန်းလိမ်ညာမှုတွေ၊ စိတ်ထင်ယောင်မှားမှုတွေကြားထဲ အီလီနီတစ်ယောက်အမှောင်ဘက်ခြမ်းကို ဘယ်လိုမျိုးကျဆင်းသွားမလဲဆိုတာကို ရိုက်ပြထားတာ ဖြစ်ပါတယ်။Sundance Film Festival မှာ ပြသခဲ့တာဖြစ်ပြီး ဇာတ်လမ်းအရှိန် နှေးပေမယ့် စိတ္တဇဆန်ဆန် ဆွဲဆောင်မှုရှိတဲ့အငွေ့အသက်နဲ့ ခေတ်ပြိုင် AI ဖုန်းလိမ်ညာမှုအကြောင်းအရာကိုကောင်းကောင်းပုံဖော်နိုင်ပါတယ်။Psychosexual / Erotic Thriller အမျိုးအစားဖြစ်တာကြောင့် လူကြီးပိုင်းဆိုင်ရာ ရာဂပြကွက်တွေ ၊ စိတ်ပညာဆိုင်ရာ စိတ္တဇဆန်တဲ့ အကြောင်းအရာတွေနဲ့ စိတ်ကျဉ်းကျပ်စရာဇာတ်ကွက်တွေပါဝင်တာကြောင့် ကလေးသူငယ်တွေကြည့်ရှုဖို့ မသင့်တော်ပါဘူး။ အသက် ၁၈ နှစ်နဲ့အထက်သာ ကြည့်ရှုဖို့သင့်တော်ပါတယ်။